合時小廚 (裝修中)

睇裝修呢到係區內算幾精緻，地方唔太，十張枱都冇，菜嘅價錢唔算貴，但好明顯同附近其他走大眾化嘅酒樓唔同。試咗冬瓜盅、炸子雞、炆牛尾、香蒜蒸勝瓜笳子、翠玉瓜蝦子豆腐，同班兩味（蒸頭腩同炒球）。最有好感係個班兩味，肉質新鮮，份量幾足，炒球嘅火候掌握得唔錯；頭腩蒸得好甜，ｄ班皮又夠厚，幾正！而炆牛尾係另一個驚喜，牛尾唔太硬唔太腍，個汁有少少甜而又好夾個牛尾，呢個值得推薦。個冬瓜盅頗清甜；而個香蒜蒸雙蔬十分好，蒜蓉惹味而勝瓜笳子鮮甜；其他菜式也有一定水準。整體食品水準幾好，地方亦算坐得舒服，價錢中上，級數接近鯉景灣個一類，會再嚟。