MâmAmis

營業中

休息中

屋企附近嘅呢一間越南菜開咗一段時間，一直都躍躍想試，是日難得準時收工，就黎一試究竟。餐廳裝修行雅緻越式鄉村小店風，喺暗黃燈光嘅襯托下，顯得份外浪漫。BUN REU CUA 越南蕃茄蟹湯檬 $168湯頭濃郁香醇，飽含蟹肉及番茄的的甜甜鮮鮮，檬粉滑軟順口，索汁非常，炸豆腐外脆內軟，帶有少少炭燒香氣，軟殼蟹則是酥脆厚肉，整體無咩挑剔，高質。SUON NONG 慢煮豬肋條 $268豬肋條肉質柔嫩，軟硬適中，帶有淡淡的香茅香氣。不過要說我最喜歡的卻不是豬肋條，而是搭配的雞油飯，香氣十足，減肥都忍唔住食個清光。RAU XAO 炒時菜 $108通菜爽脆嫩綠，而且低油，不過調味略濃。MANGO STICKY RICE 芒果糯米飯 $108一向中意芒果糯米飯，會order是單純出於個人的喜好，本身其實冇太大期望，因為畢竟芒果糯米飯做得好食嘅大部分都係泰國餐廳，點知食完之後竟然覺得幾有驚喜，芒果香甜當造，而且大大粒，厚肉多汁。糯米飯比起平時嘅糯米飯更要糯口煙韌一些，平日鍾意食芋圓嘅話應該幾鍾意呢個質感。