影片
更多
2024-03-02
88 瀏覽
今次我地去左灣仔BB展，出開黎就順便黎銅鑼灣行下啦，我地經過見到呢間餐廳，比佢個勁靚既裝修吸引左睇下咩舖黎，原來係越南餐廳，我地都鐘意食越泰菜，咁就不如試下🇻🇳我地入到去裡面，d格局都係好靚，餐枱用具齊全，有最重要既紙巾啦，仲有各種唔同醬料，呢度係QR code落單既，同時都有一本本既餐牌，方便唔同人既需要👍🏻街頭小食滋味拼盤（$208）呢個小食拼盤夠曬豐富，食物包括有豬肉春卷，秘製甘桔汁雞翼，自家製甘蔗蝦&豬肉串，純魚扎肉配迷你春卷，其中個甘蔗串我覺得幾特別，將d肉釀上支蔗度，食完舊肉仲有蔗咬幾過癮🤣即叫即蒸手工粉包（$118）呢個手工粉包就好似我地飲茶既腸粉咁，佢用既皮好簿而且晶瑩剔透，包住肉碎，木耳，馬蹄，食落感覺清淡，點下付上既酸辣汁會更好味，呢味菜一定要趁熱食，好有越南風味😄雜錦牛湯河（$119）越南菜生牛肉湯河固然出名，不過今日想食下熟牛河，牛河相多足料，分別有炒鮮牛肉，牛扎肉，牛肉丸，牛肋骨，牛皮，黑柏藥，佢地仲有張卡教食越式河應該點撈醬，同d香菜包括有咩，仲有個湯係堅持唔用味精，用高級銀魚天然煞製，營養豐富😍金枕頭榴槤芭菲配荔枝雪糕（$98）呢到甜品環節，呢個真係冇揀錯
我地入到去裡面，d格局都係好靚，餐枱用具齊全，有最重要既紙巾啦，仲有各種唔同醬料，呢度係QR code落單既，同時都有一本本既餐牌，方便唔同人既需要👍🏻
街頭小食滋味拼盤（$208）
呢個小食拼盤夠曬豐富，食物包括有豬肉春卷，秘製甘桔汁雞翼，自家製甘蔗蝦&豬肉串，純魚扎肉配迷你春卷，其中個甘蔗串我覺得幾特別，將d肉釀上支蔗度，食完舊肉仲有蔗咬幾過癮🤣
即叫即蒸手工粉包（$118）
呢個手工粉包就好似我地飲茶既腸粉咁，佢用既皮好簿而且晶瑩剔透，包住肉碎，木耳，馬蹄，食落感覺清淡，點下付上既酸辣汁會更好味，呢味菜一定要趁熱食，好有越南風味😄
雜錦牛湯河（$119）
越南菜生牛肉湯河固然出名，不過今日想食下熟牛河，牛河相多足料，分別有炒鮮牛肉，牛扎肉，牛肉丸，牛肋骨，牛皮，黑柏藥，佢地仲有張卡教食越式河應該點撈醬，同d香菜包括有咩，仲有個湯係堅持唔用味精，用高級銀魚天然煞製，營養豐富😍
金枕頭榴槤芭菲配荔枝雪糕（$98）
呢到甜品環節，呢個真係冇揀錯到，非常驚艷，個雪糕夠曬香濃既荔枝味，中間有d粟米片，啫喱配合，令到口感更佳，主角既榴槤肉相當好食，d榴槤肉雪硬左少少感覺有d似雪糕，就連我唔係鐘意食榴槤都勁鐘意食呢杯甜品，就知真係超水準之作🤩
今日呢餐由環境到食物都好好，主食夠曬越南風味，甜品直頭係估唔到既咁正，食完呢餐超滿足，我會為左個甜品再黎食既🥰
張貼
