影片
更多
2021-11-13
391 瀏覽
如果旅行是一種病，我已經放棄了治療。。。唯有食咗當去咗😛河內蕃茄蟹檬~紅紅嘅蕃茄湯，綠綠嘅芫茜碎，視覺衝擊味覺，急不及待試咗個湯底先，蕃茄味道雖然較淡但反而突出咗蟹肉嘅味道，檬粉內有扎肉同肉丸，如果唔想啖啖肉，可以考慮選擇蕃茄蟹檬😋河內生牛肉粉~看似清淡嘅湯底，但有濃濃嘅牛骨香味，飲完個湯唔會覺得頸渴，生牛肉嚟到變咗熟牛肉😂但勝在牛肉都尚算嫩滑烤三文魚撈檬~見到個賣相都已經好吸引😍，兩塊大大嘅三文魚扒，簡直係抵食夾大件，魚表面烤得剛剛脆身，內𥚃魚肉滑溜，唔會烤到乾身鞋烚烚，上面仲加咗少少類似生蝦汁，配埋撈檬，好食👍芝麻蝦多士~麵包包住蝦滑，包面上連埋芝麻一齊炸，唔會一食就芝麻周圍飛，唯一失色之處係個多士太重油炸味牛油雞翼~可一不可再…炸粉太厚，同隻雞翼完全分離，沒有牛油味，只有濃濃嘅千年油味牛油果沙冰~點解會變咗一杯牛油果奶昔☹!? 口感似飲緊糊仔一樣，職員話呢款飲品唔會有沙冰效果，係同奶昔差不多，fine！建議餐牌應該將呢個飲品改名為牛油果奶昔，btw，我飲唔出係牛油果味🤷♀️
河內蕃茄蟹檬~紅紅嘅蕃茄湯，綠綠嘅芫茜碎，視覺衝擊味覺，急不及待試咗個湯底先，蕃茄味道雖然較淡但反而突出咗蟹肉嘅味道，檬粉內有扎肉同肉丸，如果唔想啖啖肉，可以考慮選擇蕃茄蟹檬😋
河內生牛肉粉~看似清淡嘅湯底，但有濃濃嘅牛骨香味，飲完個湯唔會覺得頸渴，生牛肉嚟到變咗熟牛肉😂但勝在牛肉都尚算嫩滑
烤三文魚撈檬~見到個賣相都已經好吸引😍，兩塊大大嘅三文魚扒，簡直係抵食夾大件，魚表面烤得剛剛脆身，內𥚃魚肉滑溜，唔會烤到乾身鞋烚烚，上面仲加咗少少類似生蝦汁，配埋撈檬，好食👍
芝麻蝦多士~麵包包住蝦滑，包面上連埋芝麻一齊炸，唔會一食就芝麻周圍飛，唯一失色之處係個多士太重油炸味
牛油雞翼~可一不可再…炸粉太厚，同隻雞翼完全分離，沒有牛油味，只有濃濃嘅千年油味
牛油果沙冰~點解會變咗一杯牛油果奶昔☹!? 口感似飲緊糊仔一樣，職員話呢款飲品唔會有沙冰效果，係同奶昔差不多，fine！建議餐牌應該將呢個飲品改名為牛油果奶昔，btw，我飲唔出係牛油果味🤷♀️
張貼
