芽莊越式料理

營業中

休息中

今日係葵芳行街，lunch 就去左新都會試咗一間越南餐廳，感覺真係幾mixed。😬我地兩個人就叫左兩個set lunch ，每個set $118 ，有小食+主菜+飲品。我哋分別叫左烤牛肉撈檬同生牛肉湯河😌。撈檬賣相OK，但食落味道偏淡無味，即使加左魚露，但都係吾好味😅有啲失手。好彩牛肉河粉味道不錯，湯底香濃吾口渴，牛肉都嫩，幾有質素。小食魚餅就......有點凍同硬，食落就唔夠彈牙。反而小食芥蘭菜就好味啲。

鍾意嚟芽莊食午餐,因為鍾意佢$118可選主食+小食+飲品。可以揀嘅主食有1.牛肉或雞絲湯河2. 雙拼河粉加$253. 燒牛肉/燒雞或蔗蝦檬粉4. 燒牛肉/燒雞或蔗蝦越式濱河5. 越式香茅豬扒煎蛋飯 6. 綠咖哩田園秋葵飯7.鑊仔牛柳粒飯 +$28小食可以揀係：1.西貢牙車快沙律2.河內魚餅3.芥蘭苗4.牛肉丸湯5.椒鹽脆腐皮魚卷飲品有青檸檬紅茶 /汽水 /蜜桃熱柑桔/ 越南有機花茶 。我就食咗牛肉河粉同埋魚餅,芥蘭苗,腐皮魚卷,仲加$28要咗兩隻雞翼。今日食嘅嘢通通都好味👍

今日同太太小朋友去搵食， 想同小朋友去新都會廣場玩， 經過就入去試下呢間越南菜😋😋 見到餐廳入面好多人食， 好多人等位🤭🤭 叫咗兩個套餐食咗個牛肉河粉同埋一個撈檬😙😙套餐入面就有油麥菜 同埋炸雞翼 牛肉河粉 未算太吸引😐😐 河粉質素正常 牛肉唔多撈檬粉冇出面嘅咁惹味，😶😶因為醬汁唔算辣同酸而菜都係正正常常， 雞翼就比較細隻， 未有感覺啖啖肉我覺得呢間餐廳都係正常發揮， 當然午餐嘅價錢唔算貴， 同埋餐廳嘅服務同環境都唔錯， 經過嘅話都可以入去試下

連鎖店，期望不大，但始終要一試先可以寫出真實食評。包 - 很乾和有點韌豬腩肉 - 切得太厚和韌，不適合放三文治扎肉 - 只是普通的扎肉，沒有特色肝醬 - 味道不錯，但份量極少，未見每一口都有肝醬價錢 - 以食物質素來說，$88就太貴了…

好欣賞佢嘅牛柳湯河，滿滿嘅濃湯味，加上佢嘅河粉同洋蔥，實在好清甜嘅味道，而且牛柳醃製過，做得都好香口，而且肉質鮮嫩可口，亦都好鍾意佢嘅串燒，今日食咗串燒虎蝦，蝦肉非常之新鮮實淨，而且仲有好香嘅串燒味道，加上佢嘅沙嗲醬，實在太好味啦。仲有佢嘅椰子湯煮蜆，蜆肉就比較細，但椰子清湯，富有濃郁嘅椰子海鮮味。餐廳環境整潔衛生，服務員嘅服務非常之好，又細心體貼，交通非常之方便，對面就係地鐵站啦。價錢方便，大眾化價錢，佢嘅湯河永遠都係好抵食，因為一碗係足夠兩個人食嘅。

適逢放假天，約了友人去葵芳睇戲，來到「芽莊」，仍是午餐時段，餐廳外有不少人在等位，不過1:45pm 想必是上班族的午餐時間尾段，所以等了約5分鐘就可以入座午餐大部份客人都選lunch set，因為主餐牌正價的粉麵價錢跟套餐差不多，但lunch set 就多了小食 & 飲品套餐小食點了「芥蘭苗」，主食是「牛肉湯河」（本想吃生牛肉，不過套餐生牛肉只供應給選雙拼的項目，雙拼要另加$20），反正只是吃個快飯，左加右加的就免了，還是點個最普通的牛肉湯河算了。「芥蘭苗」調味不錯的，只是吃起來不算嫩，口感比較像芥蘭，不像芥蘭苗；牛肉湯河湯底正常，味道不算十分濃郁；餐飲「青檸錫蘭紅茶」有一小角的青檸，青檸味欠逢，不過茶味香濃友人點的小食是「椒鹽腐皮魚卷」&「燒牛肉撈檬」，「椒鹽腐皮魚卷」香香脆脆的，這個小食好吃；我不太喜歡吃撈檬，試了一口燒牛肉，比我湯河內的牛肉好吃多了Lunch set $118（另收加一）包了一份小食、主食 & 飲品，對一般打工仔來說，價錢不算十分經濟，所以它的定位算是針對於新都會上班 & 逛街的客群

全部散叫無餐，價錢都中上，叫左5樣嘢無一樣好食，個炒飯涷嘅，個烚芥蘭又涷又若，個律無味，個河粉正常，個牛柳收成200蚊咁滯得幾粒又係涷嘅，如果錢多人傻可以來試下！

今日突發出葵芳午餐，原本想食生牛肉湯河，最後選擇香茅豬扒煎蛋飯～份量好足，豬扒好大塊，旁邊有生菜、青瓜、蘿蔔絲，仲有兩隻蒜蓉蝦。午餐$118+10%前菜6選1：牛油雞翼、芥蘭苗、手打牛丸湯、春卷、西貢牙車快、越式魚餅主食5選1：河內牛湯河（牛肉或雞絲）、越式燒牛/香茅燒雞/蔗蝦撈檬、越式香茅豬扒煎蛋飯、鑊仔牛柳粒飯、牛肚/爽腩/生牛肉湯河飲品：越南有機花茶、各式汽水、凍青檸梳打、桃蜜熱柑橘、凍青檸錫蘭紅茶選擇多，但午餐來說價錢有點貴；飯類份量足，如細食可以2個人share；河粉類份量正常。

今次食呢間 Nha Trang , 佢哋個 pho dac biet (粉特別，即係有牛肉牛丸牛𦟌嗰碗湯河) 個湯底好正，河粉亦係用新鮮河粉，夠滑，另外叫咗嗰紫蘇葉牛肉卷，又係好食。聞到隔籬枱有個蟹肉醬湯底嘅粉(响新加坡食過, 叫做bun rieu) 又係好香。講真呢間越南餐廳質素係高嘅，但係奇怪地响openrice 評分唔係好高，响Google 就更低。反而好多年前，响澳洲返嚟去過尖咀另一間好評如潮嘅越南餐廳，我食完之後，厚道啲就講覺得佢嘅用料同味道都係好好好好好一般，真心話係根本嗰間餐廳係垃圾劣食，湯底好明顯唔足料，求其加啲魚露整到有咸味就算，河粉又用低質嘅產品。自此食過so called 好食嘅越南餐都係垃圾質素，都唔係想再响香港食越南菜。唔知係唔係其實好多香港人由細到大都出街只係食中餐同快餐店為主，好少食其他菜式嘅餐廳，或者會覺得唔似粵菜/中菜味道嘅菜式，就接受唔到，覺得唔好食。我自己細細個讀小學開始，屋企成日帶我哋出街食東南亞餐廳 (母親大人好鍾意食越南同泰國菜，以及各國料理，仲之每個weekend 就好平均地乜餐都食，唔會話大部份時間都食中餐)，之後又响好多越南人定居嘅A

認真，極度失望的用餐體驗：落單嘅時候，我哋同個女服務員講要牛丸、雞絲河粉走芫茜同洋蔥，因為我哋對洋蔥有少少過敏。當時個女服務員已經態度好差，仲話：我都冇聽你哋講野，講多次最後都講多左次，都算啦，可能做嘢辛苦姐但佢落錯單，落左做熟牛肉🥲黎到既時候當然比錯啦，咁就同佢哋講轉返，但等左勁耐⋯最後要特登走出去搵另一個服務員跟進返，啲食物先到。但又遇到另一個問題，就係冇走洋蔥！唉，好彩食之前夾左出黎姐，食左過敏點算🥲除左呢樣，上菜既時候隻手指掂到啲食物，呢樣我認我哋可能比較煩啦，但一定都會有人介意呢樣嘢。問心，食物味道唔差，都算好食。但呢啲服務態度真係令我唔敢再有下次☹️

在海港城的越南菜餐廳 還是第一次來一進餐廳坐下來看餐牌 oh! 這不就是跟K11 MUSEA我最愛的越南飯店一模一樣的呢 手切上等牛柳河粉 [$98]之前說過燒牛柳的那個真的很好吃 本來打算點的但是看到這個說是每日限量供應 所以就選了這個結果原來不是怎麼樣的 還是灸燒牛柳河粉好吃點這個手切牛柳不是嫩嫩的那種口感！• 香煎墨魚餅 [$98] 牛油雞翼 [$82]這兩道也是非常一般般的味道 沒什麼評價可言• 香茅烤魚 [$178]輕輕一推這烤魚 如果你是一個跟我一樣 不是一個太重口味的人 這個魚真的會愛上 香茅、鹽、姜…再加上青檸的味道 清清淡淡令人特別舒服😌 旁邊那個醬汁是東南亞的味道 哈哈哈 我見識不多 不知道它是啥 就是吃到東南亞的口味• 越南有機蓮花花茶 [$42]第一次喝蓮花花茶 原來味道還不錯的喲👍🏻• 堤岸炒米粉 [$98]這個炒米粉炒得蠻好吃的 配料好多 • 會安軟殻蟹卷 [$98]米卷很黏 跟旁邊的米卷黏在一起了 味道還好

今天老公接放工， 去葵芳新都會廣場搵食。 大概七點半， 裡面的食肆全部要等位🙈。 行了一圈， 見到有間芽莊似乎唔爆， 姑且試下攞位。 果然姐姐話有枱， 我仲開心到以為執到😅， 即刻入座!我點了我至愛的燒牛肉撈檬。 期待享用美膳的一刻。 唔洗5分鐘碗檬就已經送到。 咁快! 果一刻， 我又以為執到啦.....殊不知。。。呢間芽莊的出品個presentation同我去過的其他分店都幾唔同； 比較潦草D🙄。 算， 我又唔系來欣賞art piece， D嘢好食便可。 但竟然。。。在D碎菜堆裡， 發現了一個生菜頭。當然， 菜頭唔系昆蟲， 亦冇話食肆唔可以俾菜頭客人食。 但我一碗撈檬$90, 另外加一， 即系要$99. 碗粉個portion同賣相已經比其他芽莊差， 你仲要俾菜頭呢D下欄嘢客人食？！🤔🙈果刻。。。我知點解佢仲有位了😂

聽講佢哋嘅河內蕃茄蟹檬同芥蘭苗好出色，所以我好興奮咁嚟到呢度。點咗菜之後，好快就上嚟我期待嘅主角：河內蕃茄蟹檬。呢道菜嘅顏色好鮮豔，靚紅色嘅蕃茄同金黃色嘅炸蟹一齊擺上去，好吸引人。我即刻夾起一塊蟹肉，入口之後馬上感受到蟹肉嘅鮮甜同滑嫩質感，同埋蕃茄嘅酸甜味同蟹肉嘅濃郁味道完美嘅融合。呢道菜嘅蟹肉好鮮嫩多汁，完全冇腥味，令我彷彿喺河內嘅美食街頭嘅感覺。而加咗檬汁更加增添咗一份清新風味，使整體嘅口感更加豐富。無論係蟹肉嘅質感定係酸甜口感嘅平衡，呢道菜給我留低咗好深刻嘅印象。之後就係芥蘭苗。呢道菜睇上去好簡單，但卻係清新爽口嘅感覺。芥蘭苗嘅綠色喺餐桌上特別顯眼，好吸引人。我試咗一口，即刻感受到芥蘭苗嘅清新同脆爽，呢種清新嘅味道令我覺得精神一振。芥蘭苗嘅嫩葉同微微帶苦嘅茎部搭配埋，食落口感豐富同有層次感。而且，芥蘭苗本身係好有營養價值，富含纖維同維生素，對於保持健康嘅飲食均衡好有益。

週五晚同女友晚飯，周圍都要排隊，唯獨見呢間唔駛，記得我响其他分店食過，雖然印象係貴，但味道都可以，於是就試吓。點咗牛油雞翼，炸春捲，牛Pho同埋豬扒濱海。基本上所有食物都冇乜味，個Pho叫做好少少，起碼湯係正常嘅，牛油雞翼勁厚漿，好硬，但係又冇味。春捲炸過龍，又係有啲硬，碟底仲要好多油浸住。豬扒又乾又冇味，一般小店絕對好食好多。平時都唔會俾負評，今次係第一次响度俾意見，因為真係好差，完全對唔住個價錢。

1個人嘅午餐絕對不是孤獨又乏味同樣可以精彩又豐富😝😝😝越式午餐 $108Starter~~河內魚餅魚餅金黃香脆可口Main~~越式香茅豬扒煎蛋飯豬扒大大塊，肉嫩有肉汁，配上煎蛋，青瓜，蔬菜Drink~~桃蜜熱柑桔潤喉解渴豐富美味嘅午餐，填滿了肚子，亦補充身體所需能量，同時亦為辛勤勞碌嘅自己打打氣