影片
更多
2019-06-03
2277 瀏覽
火鍋店係金馬倫道中國人保險大廈1樓同2樓，我地坐係2樓，坐卡位坐得舒服，每枱仲有一部私人電視睇。菜單上嘅選擇多到眼花繚亂，十五十六咁唔知叫咩好，下單方法可以掃二維碼用電話下單，好先進好環保，而且仲方便我地check番單。醬汁隨我地自由配撘，各自因口味而調配。健脾養顏椰子雞湯 $188叫左個椰子雞湯底，好清甜，又想打邊爐又怕熱氣最岩呢個湯底，雞肉好嫩滑，吸收左湯底之後肉汁好甜，充滿椰子味。本地招牌手切肥牛 (大) $318叫得禾牛薈當然要試下呢到嘅牛肉，試個招牌肥牛，牛味好濃，肉質新鮮，顏色好靚，肥瘦都好均衡，食落肉質彈牙，唔需要任何醬汁已經好好食。水晶粉 $48提醒左我地水晶粉只需要一分鐘就食得，非常滑溜彈牙煙銀，索左湯底好清甜。鮮冬菇 $48每一舊都好大舊，對於我呢個冬菇愛好者真係好滿足。手打牛丸 $78牛味好濃，肉質好爽，新鮮製作嘅味道。特別想推介呢兩樣，因為真係好正自家製餃子 $88皮薄餡靚，見到好多精係入面，粒粒都夠哂份量。醬爆芝心丸$48好窩心咁提醒我地小心熱，入面嘅芝士多到要溢出泥，仲要有牽絲嘅效果，芝士味濃，大大粒夠哂飽肚。四個人食1400有找，有私家電視睇，唔洗自己買又
菜單上嘅選擇多到眼花繚亂，十五十六咁唔知叫咩好，下單方法可以掃二維碼用電話下單，好先進好環保，而且仲方便我地check番單。
醬汁隨我地自由配撘，各自因口味而調配。
健脾養顏椰子雞湯 $188
叫左個椰子雞湯底，好清甜，又想打邊爐又怕熱氣最岩呢個湯底，雞肉好嫩滑，吸收左湯底之後肉汁好甜，充滿椰子味。
本地招牌手切肥牛 (大) $318
叫得禾牛薈當然要試下呢到嘅牛肉，試個招牌肥牛，牛味好濃，肉質新鮮，顏色好靚，肥瘦都好均衡，食落肉質彈牙，唔需要任何醬汁已經好好食。
水晶粉 $48
提醒左我地水晶粉只需要一分鐘就食得，非常滑溜彈牙煙銀，索左湯底好清甜。
鮮冬菇 $48
每一舊都好大舊，對於我呢個冬菇愛好者真係好滿足。
手打牛丸 $78
牛味好濃，肉質好爽，新鮮製作嘅味道。
特別想推介呢兩樣，因為真係好正
自家製餃子 $88
皮薄餡靚，見到好多精係入面，粒粒都夠哂份量。
醬爆芝心丸$48
好窩心咁提醒我地小心熱，入面嘅芝士多到要溢出泥，仲要有牽絲嘅效果，芝士味濃，大大粒夠哂飽肚。
四個人食1400有找，有私家電視睇，唔洗自己買又唔洗自己洗
張貼
