影片
更多
2008-02-18
6 瀏覽
已光顧了多次，初時喜出望外，但近來在各方面卻每况愈下，對我來說又少了一間食店了。得知集團在同一條街開了另一間較高檔次，但再也沒信心去試了。食物：手切肥牛: ($148大) 保持水準，算厚身，入口溶化。鴛鴦湯底: 沙嗲湯唔辣又唔夠味，加完清水一樣的湯後就更加淡出鳥來。鮮蝦雲吞: 收$45但餡料竟然只有一團估計是雪蝦膠，絕對不是新鮮貨式，完吞完都唔肯定呢啲係乜東東!魚皮餃: 六點零落單，上枱時話因為缺貨唔夠數，竟然一部分用韮菜餃代替，咁都得? 超過一半餃子淥了一陣便「散」晒。墨魚滑: $58，份量出奇地少，比以前縮水，食落係彈牙但無味。鱔片: $60 份量尚可，但切功差勁，同一塊也厚薄不一得好緊要。蓎好: 份量少又唔夠鮮嫩。市面上每斤只售八至十元，咁便宜也不供給一些較像樣的，不用賺到咁盡嘛…烏冬: 以前的彈牙，依家卻死死實實。竽絲: 一般貨式。服務: 1. 人手明顯不足，頭半小時僅得一女侍應負責落單、泡茶、上菜。2. 以前會替每枱定時撇走湯面的泡沫，感覺良好，依家沒有了。3. 本人落單時是雲吞魚皮餃各一碟，卻來了個雙拼，初時還不知道弄錯。三人連酒水、茶錢、醬油費共計近七百，以此等價錢
食物：
手切肥牛: ($148大) 保持水準，算厚身，入口溶化。
鴛鴦湯底: 沙嗲湯唔辣又唔夠味，加完清水一樣的湯後就更加淡出鳥來。
鮮蝦雲吞: 收$45但餡料竟然只有一團估計是雪蝦膠，絕對不是新鮮貨式，完吞完都唔肯定呢啲係乜東東!
魚皮餃: 六點零落單，上枱時話因為缺貨唔夠數，竟然一部分用韮菜餃代替，咁都得? 超過一半餃子淥了一陣便「散」晒。
墨魚滑: $58，份量出奇地少，比以前縮水，食落係彈牙但無味。
鱔片: $60 份量尚可，但切功差勁，同一塊也厚薄不一得好緊要。
蓎好: 份量少又唔夠鮮嫩。市面上每斤只售八至十元，咁便宜也不供給一些較像樣的，不用賺到咁盡嘛…
烏冬: 以前的彈牙，依家卻死死實實。
竽絲: 一般貨式。
服務:
1. 人手明顯不足，頭半小時僅得一女侍應負責落單、泡茶、上菜。
2. 以前會替每枱定時撇走湯面的泡沫，感覺良好，依家沒有了。
3. 本人落單時是雲吞魚皮餃各一碟，卻來了個雙拼，初時還不知道弄錯。
三人連酒水、茶錢、醬油費共計近七百，以此等價錢得回來並不成正比。火鍋本色，再見了!
張貼