影片
更多
2021-03-22
2236 瀏覽
近期發現怡豐花園開左新餐廳，元朗人即刻去探路先！馬田路依頭住宅區唔近大路，環境較靜，平日都比較少行。餐廳開係依到零舍有份平靜感。話雖如此，人氣依然唔弱，大概等位15-20mins。喬木店舖L型設計，一邊用大玻璃採光，另一邊係開放式窗口，幾特別。全店冇花巧裝飾，主要以白色和木色為主，簡約日系風格令人十分舒適。由於係小店，每份食材都用心製作，等候時間比較長。絕對配合週末慵懶嘅節奏～＊－。－。－。－。－。－。－。－。－。－＊老實講，起初睇餐牌價錢覺得有少少貴，直到見到定食內容咁豐富，就覺得超值！平少少可以選擇午市定食，沒有附送沙律，甜品。想豐富啲就可以揀全日定食～除咗主食，附送：松葉蟹肉茶碗蒸、沙律、三樣前菜、漬物、牛油雜菌淺利味增湯、迷你烏冬、白飯、甜品＊－。－。－。－。－。－。－。－。－。－＊定食賣相非常精緻！由好多小碟組成，同係日本食料理有幾分相似。每樣少少，其實份量好多，食到最尾勁飽。【主食1】🔸塩燒厚切牛舌 $138牛舌厚切成條狀，堆成小山丘上菜，好似金條咁。碟邊有蜜糖芥茉醬同新鮮山葵蓉。不加任何醬汁情況下，牛舌已經夠味，肉質軟腍，好鬆軟，口感好正。如果加上醬汁或山葵蓉，味道更突出
喬木店舖L型設計，一邊用大玻璃採光，另一邊係開放式窗口，幾特別。全店冇花巧裝飾，主要以白色和木色為主，簡約日系風格令人十分舒適。由於係小店，每份食材都用心製作，等候時間比較長。絕對配合週末慵懶嘅節奏～
＊－。－。－。－。－。－。－。－。－。－＊
老實講，起初睇餐牌價錢覺得有少少貴，
直到見到定食內容咁豐富，就覺得超值！
平少少可以選擇午市定食，沒有附送沙律，甜品。
想豐富啲就可以揀全日定食～除咗主食，附送：
松葉蟹肉茶碗蒸、沙律、三樣前菜、漬物、
牛油雜菌淺利味增湯、迷你烏冬、白飯、甜品
＊－。－。－。－。－。－。－。－。－。－＊
定食賣相非常精緻！由好多小碟組成，
同係日本食料理有幾分相似。
每樣少少，其實份量好多，食到最尾勁飽。
【主食1】
🔸塩燒厚切牛舌 $138
牛舌厚切成條狀，堆成小山丘上菜，好似金條咁。
碟邊有蜜糖芥茉醬同新鮮山葵蓉。
不加任何醬汁情況下，牛舌已經夠味，
肉質軟腍，好鬆軟，口感好正。
如果加上醬汁或山葵蓉，味道更突出！
【主食2】
🔸塩燒日本產鯖魚 $168
鯖魚肥美，肉質嫩滑。表皮煎到金黃脆口。
沾上特調醬汁，帶有檸檬酸味，開胃！
＊－。－。－。－。－。－。－。－。－。－＊
另外跟餐附送食物質素都唔錯，有幾樣值得推介返！
🔸牛油雜菌淺利味增湯
味道濃，真材實料有蜆肉、雜菌
🔸前菜
炸一口豆腐配芝蔴醬、炸魚仔、漬物醃菜
🔸松葉蟹肉茶碗蒸
蛋蒸得超滑，雖然除左蟹肉就無其他材料，
但加上芡汁，味道好正，食得津津有味。
🔸迷你烏冬
溫烏冬彈牙，一口份量，配上鏗魚汁有日本風味。
🔸甜品 - 抹茶奶凍
利申我對抹茶製品係有少少抗拒，但都覺得好好食！
奶凍係原味牛奶味，面層加上抹茶醬汁
清新的抹茶香，微微帶甜，質感滑不溜，入口即溶！
＊－。－。－。－。－。－。－。－。－。－＊
張貼
