影片
更多
2022-09-27
34 瀏覽
今日係中環街市行完，想揾間餐廳fine dine一下，見到呢頭有間sell慢煮既西餐廳，好似幾特別！一於去試下。餐廳位置喺地鐵站行上去10分鐘左右，近來天氣涼咗，喺中環行吓都冇咁熱。餐廳環境幾有氣氛，燈光偏暗，風格幾有外國風情。Menu有好多選擇，我哋好多都好想食，不過就試咗其中幾樣先啦。首先見網上話呢度出名龍蝦湯牛角包，當然要叫一個啦！上到嚟，估唔到個牛角包有咁大，好彩我哋淨係叫咗一個，一切開勁多龍蝦湯流出黎，超吸引，仲有食落去非常有驚喜！因為啲龍蝦湯嘅味道真係好香好濃，連埋牛角包咁樣食超級正。飲品方面，呢度有奶蓋荔枝玫瑰花茶，估唔到！好飲！好香既茶。之後我哋叫咗個牛油果雞肉沙律。佢雞肉沙律幾特別，因為啲雞肉係切粒，同平時嘅都幾唔同，不過味道好好，啲雞甜甜地鹹鹹地，好惹味，沙律醋偏酸，有啲位都幾酸，不過因為酸嘅啱我口味，所以我都鍾意食。牛油果就當然唔使講，勁好味。之後我哋叫咗個豬肉辣味茄汁意粉，呢個超好味！首先個豬肉嘅肥度適中，好有口感，肥瘦比例好啱我心水，豬肉因為係慢煮，食落口感好鬆軟，一啲都唔un，加埋肥膏嘅口感真係不得了，辣味茄汁亦都調得非常之好味，最鍾意呢一種酸酸地辣辣地甜甜
餐廳位置喺地鐵站行上去10分鐘左右，近來天氣涼咗，喺中環行吓都冇咁熱。
餐廳環境幾有氣氛，燈光偏暗，風格幾有外國風情。Menu有好多選擇，我哋好多都好想食，不過就試咗其中幾樣先啦。
首先見網上話呢度出名龍蝦湯牛角包，當然要叫一個啦！
上到嚟，估唔到個牛角包有咁大，好彩我哋淨係叫咗一個，一切開勁多龍蝦湯流出黎，超吸引，仲有食落去非常有驚喜！因為啲龍蝦湯嘅味道真係好香好濃，連埋牛角包咁樣食超級正。
飲品方面，呢度有奶蓋荔枝玫瑰花茶，估唔到！好飲！好香既茶。
之後我哋叫咗個牛油果雞肉沙律。佢雞肉沙律幾特別，因為啲雞肉係切粒，同平時嘅都幾唔同，不過味道好好，啲雞甜甜地鹹鹹地，好惹味，沙律醋偏酸，有啲位都幾酸，不過因為酸嘅啱我口味，所以我都鍾意食。牛油果就當然唔使講，勁好味。
之後我哋叫咗個豬肉辣味茄汁意粉，呢個超好味！首先個豬肉嘅肥度適中，好有口感，肥瘦比例好啱我心水，豬肉因為係慢煮，食落口感好鬆軟，一啲都唔un，加埋肥膏嘅口感真係不得了，辣味茄汁亦都調得非常之好味，最鍾意呢一種酸酸地辣辣地甜甜地嘅味道！
最後我地再加多一個甜品，就係慢煮creme brûlée，好有奶香同蛋香，好味，畢竟香港呢一度係出名hightea，甜點當然有水準。
非常滿意嘅一餐，每一碟到好有心思好好味，一定會再嚟。
張貼
