PizzaExpress (赤柱大街) (已結業)

母親節同肥髀在赤柱逛街兼食飯！大家唔太肚餓，去呢間食薄餅，假日兼天氣好，餐廳都幾多人，我哋怕熱要求坐室內，不過室內都幾熱，只靠風扇唔夠力！二人枱幾細，仲要放在拉閘路軌上！講真唔好坐！小食款式唔多，薄餅多款！夏威夷薄餅（$148）同平時見嘅夏威夷薄餅唔同，薄批麵粉味好香，半溶芝士好濃，菠蘿粒香甜，但巴馬火腿太太太鹹，鹹到苦，我哋撕晒落來唔食！薄切三文魚（$80）橄欖油浸住四片三文魚，加咗啲乾蔥碎、蔥片、橙燈、包埋一齊在油香之外加咗清爽感覺！好好味薑芒冰涼特飲（$39）芒果汁清爽，唔覺薑味，飲落只有芒果味！唔太甜幾好！店員有禮！一半英文人！大家都好享受呢種假日悠閒時光