Dim Sum Library (已結業)

母親節梗係同媽咪飲下茶，今年我哋就選擇咗晚飯時候食一盅兩件，食咗幾款比較特別而且精緻嘅點心，另外有啲主食同甜品。黑椒和牛酥酥皮鬆化，而且唔油，餡料好惹味，和牛肉粒充實。富貴苗龍蝦餃好鮮味，龍蝦肉爽滑彈牙，蝦餃皮薄而且有彈性。海膽蟹肉春卷賣相吸引，打卡一流，海膽鮮甜，春卷很脆，入面啖啖蟹肉，好和味。花枝響鈴炸兩腸粉同平時食嘅炸兩唔同，入邊唔係油炸鬼，而係響鈴，響鈴很鬆脆，加上少少彈牙嘅花枝，口感豐富腸粉皮滑，沾上甜豉油，好味。黑蒜燒賣燒賣入邊有一粒黑蒜，黑蒜係健康食品，味道甜甜的，蒜頭質地很粉，同燒賣嘅味道出奇地夾。雲南黑菌手撕脆皮雞這菜式係全晚我最鍾意嘅，黑松露味好香，雞皮非常香脆，而且沒有半點肥膏，每條手撕雞都均勻沾上了黑松露，雞肉好滑，令人食唔停口。螞蟻上樹以石頭鍋上，熱辣辣，粉絲唔係平時食開嗰種粉絲，比平時食嘅粉絲粗啲啲，但又比韓國粉絲稍為幼身，口感彈牙，好爽，絕對唔好黐埋一舊咁，調味適中，不會太過咸，加上肉碎好惹味。海鹽朱古力流心糯米糍有啲似雷沙湯丸，但入邊嘅餡料係超級流心嘅朱古力醬，朱古力以海鹽調味，少少鹹鹹地，令朱古力醬食落唔會太甜。糯米糍口感QQ，好煙韌。總括而言，媽咪都