Dim Sum Library (已結業)

想食點心，卻又眼闊肚窄怎算好？一於去這食又美又好味的優質點心。環境闊落優雅，高樓底配上落地玻璃，沒一般茶樓的嘈吵。點心多特色又選擇多，味道也好，當然價錢比一般茶樓貴了點，但若想好好地嘆吓點心也是值得的。尤其喜歡這幾道點心：黑椒和牛酥賣相好似蘿蔔酥，入口超酥脆，毫不油膩。内裡和牛軟腍，還有濃濃黑椒味，正～海膽蟹肉春卷海膽新鮮無苦味，入口即融，春卷香脆，再配上滿口的蟹肉及沙律醬，口感豐富及多層次！I m loving it ~黑松露蝦餃餐廳招牌菜！蝦餃皮平滑有光澤，質地軟Q，內有滿滿爽口彈牙嘅蝦肉，食落仲有好香的黑松露味～…查看更多

辛苦左一個星期又到星期五，係要獎勵自己lunch 食好少少，今日決定去dim sun library 到嘗鮮。一坐低就有人問你飲咩茶，之後一路有求必應，服務態度都幾好👍🏻 海膽蟹肉春卷 $88 估唔到佢啲海膽都好鮮甜好足料，咪道同蟹肉好夾，對得起個價錢，絕對可以再食😋黑松露蝦餃 $48擔擔湯包 $48個黑松露味好濃好正，但又唔會搶過蝦既味道，一人一件唔多夠喉🥟 湯包就有啲偏辣，同我想像中既湯包有啲出入，但都唔差既。鹹魚帶子炒飯 $168冇諗過上黎係紅色既，食唔出係咩染成紅色🙈 味道就唔錯，帶子都好多，係食到後面覺得有少少乾。玫瑰豆腐乳凍 $58忍唔住叫左個甜品，佢係panda cotta, 個質感有啲似百福豆腐花，加埋甜甜地既玫瑰醬又幾夾幾好食。💕…查看更多

媽咪同爸爸去完M+博物館，我放工join佢哋去圓方食飯，知佢哋鐘意中式就擇呢間飲茶食點心🧆我哋叫咗三樣野😋🔸黑毛豬腸粉: 腸粉皮身煙煙韌韌口感！🔸菠蘿欖角骨: 每一件欖角骨都炸到脆口，咬嘅時候卡卡聲，散發出菠蘿甜味！🔸雲南黑菌手撕脆皮雞: 雞皮又薄又脆好好食，雞肉尚算嫰滑，每啖都帶有松露香味，表面放上黑松露更顯得矜貴！另外再叫2碗白飯share，埋單咁就6百幾蚊🫣 坦白講真係幾貴下，連我都覺得貴又何況平時去開茶樓嘅爸媽，當然呢個地段貴係好正常，唯有說服佢哋難得出嚟咩都試吓再加上對住黃昏景🌆歎茶一次半次貴啲啲無所謂啦🤭…查看更多

提早兩星期預訂星期日，同一班好姐妹去聚會。圓方D1出口一出就到，十分方便（如果出柯士甸就會遠啲），坐位舒適，因為單叫一碟都比較貴，所以揀左食任食點心2hrs,點心都好好食，擺盤打卡都5錯最愛石榴甜品😚呢間最正係可以按人數落點心，自己中意叫一粒燒賣都ok,減少浪費服務都5錯，雖然太忙要耐心啲先叫到人，但都好nice…查看更多

好耐無見朋友，約出黎見一見，朋友提議食呢間。入座90分鐘限時，而家咩餐廳都限時，其實市道都幾好呀。叫左6款，又真係幾特別。我地4個人，但好多野都3件/4件一碟，侍應主動問駛唔駛轉5件，細心位抵讚👍🏻茶位$25位2點鐘有自助餐或者散叫揀。我地係散叫，因為自助餐有啲野都唔包，散叫可以叫到自己想食既野👍🏻最好食係海膽春卷，由於太好食，再翻叫左一次🤭黑蒜燒賣都唔錯。啖啖小籠包有少少辣。蝦餃一般。去相…查看更多

整體味道不錯嘅，特別係個豆腐，炒米粉同個飯，但係點心款式相對比較少，想叫啲有啲吸引啲嘅點心就要每一次落單加錢先叫到，感覺上好唔抵食，散叫黎食什至比點心放題抵食。而服務都一般…查看更多

疫情緩和下，一班朋友出去聚會，想一盅兩件，要坐得舒服兼食物較為精緻，試吓點心Library ，貪其點心新穎及款式多。店鋪旁邊有一系列落地窗，光猛開揚，望到維港海景。裝修亦十分雅緻，樓底高，金色的花紋圖案，坐得舒服。Dim Sum Library 除了有點心外，亦有小菜及炒飯麵。未食點心，先享受靚茶，叫了一壼香片。茶色靚，味很清香，茶具亦雅緻。👍🏻👍🏻黑蒜燒賣（$68）表面有蟹籽，咬落有口感。燒賣豬肉及蝦肉各半，食落鮮味彈牙。最特別是咬到中心是一大粒黑蒜，甘香甜美，同燒賣好夾。😋😋😋海膽蟹肉春卷（$88）上枱已很吸睛，很漂亮的樣子。味道同樣出色，春卷面有厚厚的海膽，鮮甜幼滑。春卷皮又薄又脆，包著厚厚香甜的蟹肉，充滿海鮮的美味！👍🏻👍🏻👍🏻擔擔湯包（$68）其實是變種小龍包，包做得薄，只是餡料不足，味道不夠香濃。👎🏻👎🏻水晶蝦餃（$62）也是普普通通，蝦算彈牙但不重蝦味，皮做得薄。不過以這個價錢，不值。香蔥黑毛豬腸（$84）望落正宗，食落卻普通。由於叉燒較碎，雖然豬肉質地爽口，但因不是厚切及大片，影響了口感及味道。幸而腸粉皮算薄，當普通叉燒腸食，感覺會好少少。脆米湖南煙肉炒飯（$188）味道不錯，炒飯加了脆米，較香口。煙肉亦為這個飯增加了咸香，份量不多。四個人每人一豉油碗多啲嘅份量，可留肚食甜品。😋蛋撻皮做得鬆化，蛋心幼滑有蛋香，加埋紫蘇葉墊底，又靚又好味。👍🏻👍🏻👍🏻總結而言，它的點心有D好味兼特別，有D極普通，要識得叫。…查看更多

父親節快樂🤓 呢到最好係唔洗理件數😙 全部都可以按價錢比例加件數😎 例如擔擔湯包$68/3件，可以變做$91/4件 ($68/3x4)😋 唔洗讓嚟讓去，嗰個都食到🫶🏻🙋🏻‍♀️擔擔湯包 $68/3 - 一嚟到就叫係哋留定，因為就嚟無哂了🥹 係好特別，但係就辣咗啲，少咗啲花生味🥜 如果唔洗得辣就唔建議嗌😂🙋🏻‍♀️黑松露蝦餃 $62/3 - 好好食😋 可能係好中意食黑松露所以顛覆咗我對蝦餃嘅印象😋 皮薄餡靚🤓🙋🏻‍♀️法國田螺芋角 $72/3 - 芋角入面有田螺，唔中意食芋頭嘅我都覺得好食，個炸皮都做得好好🙌🙋🏻‍♀️黑蒜燒賣 $68/4 - 燒賣入面有黑蒜，比起平時酒樓食嘅少咗好多油膩感，但無乜特別，唔洗特別試😗🙋🏻‍♀️香葱黑毛豬腸粉 $84 - 正常嘢，好多地方都做到呢嗰水平，唔洗係到食😗🙋🏻‍♀️薄荷口水雞 $118 - 無骨嘅雞🐔 唔太辣，好食，但唔一定要食😂🙋🏻‍♀️黑盒 (野菌竹炭豆腐) $88 - 可以話係手工錢，黑盒入面有豆腐，豆腐同炸皮之間有野菌，可以一試🙋🏻‍♀️海膽蟹肉春卷 $88/4 - 我最想食嘅居然無貨，佢話無海膽，有啲失望🥺 所以嗌咗脆炸海皇卷 $78，佢有6件，如果得兩嗰人絕對唔建議嗌，因為食兩條就會有種油膩感🥲🙋🏻‍♀️乾炒和牛河 $258 - 性價比超低🥺 除咗和牛真係和牛，就無然後了😗甜品系列🥰🙋🏻‍♀️流心海鹽焦糖朱古力糯米糍 $58/3 - 入面似係lindor朱古力🍫 但係個糯米糍皮太差，太厚同太硬🥺🙋🏻‍♀️烏燶蛋 $58 - 係crème brulee嚟，值得一試，烏龍茶味好出😋我中意😂🙋🏻‍♀️父親節 - 雪茄咖啡卷 - 幾特別同得意，但無特別好食😂我見好多人話服務態度麻麻，但我覺得個個都好有禮貌，收碟收得快，會主動問洗唔洗留點心，食牛河會主動俾辣醬、見我哋就食完就拎定牙簽盒😙 想加多壺水🫖 係今日都秒速俾到🫶🏻 到上甜品會收哂啲碗碟上甜品碟先😋到性價比了，係圓方$355/person我覺得算係咁😂 父親節可以舒舒服服食飯都唔錯🤓 又可以book位唔洗等位😙 唔係傳統點心，一種新體驗，但平日就唔會嚟食😂 …查看更多

//Dim Sum Library (尖沙咀)尖沙咀柯士甸道西1號ELEMENTS圓方水區1樓1028B號舖Fusion 點心店▪️擔擔湯包 $68一咬即刻爆汁 又辣辣地 正😄▪️黑松露蝦餃$58蝦餃有咬口彈牙 而且仲有濃濃黑松露味▪️海膽蟹肉春卷$88咁樣配搭又幾特別 海膽都新鮮春卷即炸脆卜卜▪️法國田螺芋角$72芋角咬落好鬆化 配埋田螺都好特別 覺得環境同食物都唔錯 係普通茶樓做唔到嘅嘢 而且坐得舒服 可以飲下茶 值得下次再嚟…查看更多

星期五突然多咗日假，相約好友去Dim Sum Library慶祝一番🥳，豪氣一番🤑。本身係點心控嘅我，一直都好想去Dim Sum Library朝聖，覺得餐廳裝潢非常高貴豪華，啲點心🥧都好精緻好啱打卡用。我哋好貪心咁叫咗六個點心，賣相十分吸引，味道亦叫對得住個價錢。特別鍾意雞油菌冬菇包，造型可愛😍。擔擔湯包味道好特別，汁多惹味，皮薄有彈性。黑松露蝦餃都好食，蝦🦐大大粒，黑松露好香但唔會搶咗蝦嘅鮮味。…查看更多

Very nice Dim Sum lunch at DimSum Library. Hokkaido king crab & sea urchin spring roll, Dan dan xiaolong bao, Black truffle har gau - shrimp dumpling, Black garlic siu mai - pork & shrimp dumpling, stir fried seabass, fried rice and Lava sea salt caramel chocolate mochi, so satisfied!#天使大叔的飲食誌 ：好睇又好食嘅 點心.…查看更多

可能有兩三間舖位，感覺唔多夠伙記。不過靜靜地傾偈，都幾好。點心即叫即整，夠熱，好味。叫左以下幾款。海膽蟹肉春卷雞油菌冬菇包黑蒜燒賣胡桃木煙燻樟茶鴨香蔥黑毛豬腸粉樟茶鴨不是我想像的那款鬆脆的，不用再點。下次仍可再試其他點心。…查看更多

$88 海膽蟹肉春卷🦀$68 擔擔湯包🥟$98 葱香雞肉濃湯拉麵🍜$58 流心海鹽朱古力糯米糍🍡茶位$25/位，有菊花/龍井/香片/普洱等等標準茶葉選擇，收加一服務費之前係金鐘PP見過呢間餐廳，覺得佢門面好靚好想試，今日行過element見到佢，即刻入去食個quick lunch以前lunch time金鐘呢間野即日book多數無位，而家疫情嚴峻，成個element無乜人，基本上間間餐廳都想serve你，非常好服務態度，好多堂食外賣仲有折添(不過呢間dim sum library無)【味道】海膽蟹肉春卷🦀 完全係unexpectedly good！海膽無苦味，春卷夠脆，沙律醬+蟹肉🦀配搭好正😋擔擔湯包🥟其實係小籠包黎(小籠包fans🙋🏻‍♀️)，只係入面嘅湯換左小小辣既擔擔麵湯底🍜，幾特別不過唔係話超好食葱香雞肉濃湯拉麵🍲雖然係濃湯，但可能因為有葱同白肉(雞絲)🍗，成個麵感覺清清地，唔會太heavy，雞絲🍗唔會過份幼，份量足夠，肉嫩多汁，病左/唔舒服又唔想口淡淡食粥既話可以試佢，好好食👍🏻流心海鹽朱古力糯米糍🍡完全食得出係流心+海鹽+朱古力+糯米糍🍡，個名無改錯，朱古力有點甜整體來講所有點心都好有心機，精緻的色，少少貴但值得既【環境】餐廳裝潢優雅，樓底高又有落地玻璃，可以吸收下陽光☀️，不過樓層低所以無海景，望住條天橋啲台櫈分得夠開，卡位係軟sofa，人不多，坐得好舒服😌侍應服務好周到，生意難做，幾個侍應對幾台客，佢地可以專心服侍每位客人下次再幫襯啦！…查看更多

試下新式精緻點心位於圓方既Dim Sum Library裝修型格， 樓底高，近窗位有落地玻璃，透光之餘景觀開揚餐廳中間有有吧枱高椅，金光閃閃，感覺高檔，年長部長好有禮貌，服務殷勤，女店員聲線較吵耳🦀海膽蟹肉春卷$88-4件： 擺盆精美，春卷面有大大件海膽，鮮味，春卷香脆，一絲絲蟹肉，好滋味🦞龍蝦餃$68/兩件龍蝦肉彈牙鮮味🍞香煎麻辣鱈魚包$78/3件：估唔到係黑色，包面有很多芝麻，鱈魚餡好特別，麻辣亦少見🫔花枝響鈴炸兩腸粉$88/6件：賣相冇特別，口感幾得意，外層香脆，內層鬆脆◼️黑盒$88/4件：賣相好精緻，4件黑盒放在半透白色樹葉上，黑盒上仲有小樹葉，原來黑盒是炸豆腐，外脆內滑🦪海皇卷$78/6件：海鮮料十吹，配孜然粉有少少膩🍅番茄蛋米網卷$62/6件：米網卷香脆，蕃茄蛋餡味道清新🍠田螺芋角$72:芋角外層酥脆，芋頭香滑，配田螺味道幾夾🍤黑松露蝦餃$58/3件：蝦大隻彈牙，黑松露味濃有少少蓋左蝦既鮮味🌺洛神花番石榴糕$58/4件：賣相極靚，紅配黑，加上金箔，好高貴，洛神花糕酸酸甜甜,夾蕃石榴moose ，整體開胃清新…查看更多

✨海膽蟹肉春卷海膽 味道偏淡 鮮甜春卷香脆 包住滿滿蟹肉蟹肉 鮮味 肉質較腍✨黑椒和牛酥酥皮 酥脆鬆化 層次豐富黑椒和牛餡 黑椒味好濃好突出和牛粒 鮮嫩 有好淡嘅牛味整體味道偏濃 主要係黑椒味✨擔擔湯包皮厚薄適中 肉餡鮮味湯汁唔算好多 味道少少辣 一開始辣味唔太明顯但食完辣嘅後勁先走出黎 幾惹味✨黑松露蝦餃蝦餃 皮厚薄適中 有啲韌性內餡 蝦肉鮮味爽彈 黑松露味道好香 但唔算好濃✨黑蒜燒賣雙色賣相 但味道係一樣燒賣內包左一細粒黑蒜燒賣結實彈牙 黑蒜味道略為突出味道甜甜哋 帶黑蒜香✨雲南黑菌手撕脆皮雞雞皮好薄好脆 雞肉鮮嫩 有淡淡雞味黑松露味道好香好突出建議趁熱食 如果凍左食感覺會有啲膩食物唔錯 賣相精緻環境唔錯 擺位尚算闊落 都幾好錯服務唔錯 價錢合理 可能感覺少貴但以商場定位黎計算係合理…查看更多