TIRPSE

營業中

休息中

由於呢餐飯嘅體驗實在好，同埋Service都非常滿意，有感而發，而家經濟咁差，留港消費支持，母親節，我哋一家揀咗去TIRPSE慶祝，位於尖沙咀K11 MUSEA嘅呢間米芝蓮餐廳，主打精緻法式料理，裝潢摩登中帶點藝術感，坐喺落地玻璃窗前望住維港靚景食飯，又係真幾有feel嘅餐前小食已經好有驚喜，海膽配米餅香脆鮮甜，正式頭盤紅菜頭包住咗松葉蟹柳，面頭有魚子醬，點綴金箔。口感都幾多層次。鵝肝係當晚我最鍾意嘅其中一道，用煎封方式處理，表面香脆微焦，裡面保持住細滑嘅質感，食落香氣濃郁，配埋淡淡嘅泡沫醬汁同焦糖南瓜，味道平衡得啱啱好，冇一般鵝肝嘅膩感。主菜方面我升級咗去日本A4和牛，餐廳選用係脂肪分佈均勻嘅部位，每塊都係完美medium rare，切開見到粉嫩肉色，肉汁鎖得好實，油香撲鼻但唔會過膩，配埋野菌、香草醬汁同滑滑薯蓉，真係每一啖都好享受。環境同服務水準都非常高，啱晒慶祝特別日子。最後全家一齊影張相，畫面開心又滿足，呢晚唔單止係一餐飯，更加係一份好珍貴嘅家庭回憶。