龍莊

營業中

休息中

每次想食新式粵菜，龍莊都會係我地聚會選擇，適逢母親節，餐廳推出優惠，四人及以上晚餐送每位鮑汁花膠，咁抵，天時地利人和，今次再過黎龍莊食dinner。今次有friend比較中意食素，而呢度嘅菜品選擇都好豐富，有多款素菜適合素食者。前菜我地叫左油雞樅菌挫法邊豆，雞樅菌辣味十足好過癮，法邊豆非常爽口，好開胃。我地仲叫左兩款時蔬，一斤摘一両，保證食材新鮮可口，每一口都可以品嚐到食材嘅原汁原味。潮式春菜煲湯汁清甜，再加埋春菜獨特微苦又爽甜嘅味道，令人回味無窮。鮑汁花膠非常彈牙，加上燜得幾入味，滋補養顏得黎又好味，如果想慶祝母親節，不失爲慰勞母親嘅好選擇。每次黎到我地必點嘅帶子蔥油蛋白炒飯，仍然唔會令人失望，賣相青翠吸引，粒粒分明，每一粒米都炒得油香四溢，令人非常滿足。而燴軟腍腍牛面頰口感好嫩滑，一咬落去口感軟腍多汁，啖啖肉，牛味十足但完全唔會騷，正。