王家沙．花樣年華 (黃埔天地享膳坊)

營業中

休息中

母親節係呀媽帶啲仔女去出巡嘅大日子， 所以食飯搵位一定要早，我地去咗黃埔嘅王家沙，下午6點就去到， 好彩早到，入坐之後啲人就陸續喺出面攞籌等位。我哋坐正喺整小籠包蒸點心嘅對面，第一次見上海食店係全女班整點心，呢班女人好叻呀!我哋點咗4樣嘢：醉嘉美雞 - 有酒味夠，雞夠爽，不過冇咩雞味。碧綠素菜包❨2隻❩ - 熱騰騰，充滿菜，不過呀媽話d菜唔夠青綠。松露小籠包❨5隻❩ - 皮薄，多湯汁，而且陣陣松露香，冇肥膩感。酸辣湯麵 - 料係足嘅，麵嘅份量多，味道都可以，不過個湯實在太杰。總括普普通通，不過以佢嘅知名度，真係比我預期嘅差少少。