牛一 (iSQUARE國際廣場) (裝修中)

喺尖沙咀行完街突然心血來潮想打邊爐，行去iSquare睇吓，上到3樓即刻見到牛一，就行入去試一試。原先都冇乜太大期望，因為之前食嗰啲任食打邊爐都係一般。點不知今次有驚喜，一行四人，坐低即刻出去睇吓出邊有咩拎，種類都幾多最重要係夾食物嘅區域都好乾淨企理。坐嘅地方又闊落，唔會同隔籬枱好近😅點牛肉自己掃QR code落單。上菜速度都好快，飲品區都好多選擇。牛肉我哋揀鹿兒島黑毛和牛，好正😍估唔到任食都有呢個質素，婆婆食完都話下次要再黎😝不失望，有下次。