影片
更多
2012-08-25
814 瀏覽
下午大點度到，唔使等位。不過室內得過十個坐位度，坐低無耐已經坐滿人。朋友話平時八點度經過，日日都好多人喺門外等位。唔記得影相。是日食咗︰芥辣豬頸肉串︰好好食，encore咗一次。應該係豬頸肉嘅關係，肉質唔會淋，但又唔韌，同芥辣味好match，唔會好辣；金菇肥牛卷串︰正常。薄燒牛舌串︰好吃。火候啱啱好，亦唔韌；xx羊肉串︰一般。唔係好食得出羊肉味，不過都唔會有雪味嘅；矮瓜串︰唔好食。覺得矮瓜係唔應該整成薄片，想像一下咸魚矮瓜煲嘅矮瓜係薄片，係唔會夠位嗦味嘅；年糕串︰正常。年糕外邊包住塊紫菜，唔知點解，覺得有少少日式feel，不過味道只係正常；燒日本肥蠔︰麻麻。蠔唔至於好唔新鮮，不過食唔到燒嘅味道。有只仲要大月碎殼 鹽燒鯖魚︰好味。魚皮燒到卜卜脆，魚肉唔會梅。不過比想像中細份；燒日本魚乾︰麻麻。因為想像中係燒到好乾身，然後有少少硬，出嚟係唔使用牙力都輕鬆食到；特式飯團︰正常。同平時係日本餐廳食到嘅差唔多，不過係少咗塊紫菜。燒原隻魷魚︰好食，幾爽口。其實已經好飽，不過見隔離檯點，個樣好似好正……啤酒2支。最後埋單$320。飲啤酒 + 食串燒，幾時都係一個幾寫意嘅時刻。不過由於地方真係好窄嘅關
下午大點度到，唔使等位。
不過室內得過十個坐位度，坐低無耐已經坐滿人。朋友話平時八點度經過，日日都好多人喺門外等位。
唔記得影相。
是日食咗︰
芥辣豬頸肉串︰好好食，encore咗一次。應該係豬頸肉嘅關係，肉質唔會淋，但又唔韌，同芥辣味好match，唔會好辣；
金菇肥牛卷串︰正常。
薄燒牛舌串︰好吃。火候啱啱好，亦唔韌；
xx羊肉串︰一般。唔係好食得出羊肉味，不過都唔會有雪味嘅；
矮瓜串︰唔好食。覺得矮瓜係唔應該整成薄片，想像一下咸魚矮瓜煲嘅矮瓜係薄片，係唔會夠位嗦味嘅；
年糕串︰正常。年糕外邊包住塊紫菜，唔知點解，覺得有少少日式feel，不過味道只係正常；
燒日本肥蠔︰麻麻。蠔唔至於好唔新鮮，不過食唔到燒嘅味道。有只仲要大月碎殼
鹽燒鯖魚︰好味。魚皮燒到卜卜脆，魚肉唔會梅。不過比想像中細份；
燒日本魚乾︰麻麻。因為想像中係燒到好乾身，然後有少少硬，出嚟係唔使用牙力都輕鬆食到；
特式飯團︰正常。同平時係日本餐廳食到嘅差唔多，不過係少咗塊紫菜。
燒原隻魷魚︰好食，幾爽口。其實已經好飽，不過見隔離檯點，個樣好似好正……
啤酒2支。
最後埋單$320。
飲啤酒 + 食串燒，幾時都係一個幾寫意嘅時刻。不過由於地方真係好窄嘅關係，想坐耐d傾計有d難度。
食滿$250會送張優惠卷，下次去食有免費串燒4串，當然係喺某d指定嘅種類裡面揀啦。
張貼