影片
更多
2025-05-08
0 瀏覽
有日🐒入咗科學園飲茶，套餐設計幾貼心，每位$128包十款點心，啱晒我呢啲選擇困難症患者，唔使諗破頭都唔知揀咩食。最驚喜係「鮑魚燒賣皇」，燒賣大粒到！（用匙羹對比就知），咬落彈牙唔油膩，面頭嘅迷你鮑魚仔唔係得個樣，鮮味幾出。「原隻鮮蝦餃」同樣足料，蝦肉爽脆，皮薄得嚟又唔易穿，抵讚！ 藥膳控一定要試「藥膳灌湯餃」，湯底濃到似飲緊老火湯，當歸杞子味好突出，灌湯餃皮薄餡多，浸住湯食暖胃又滿足。「椒鹽豆腐粒」都係穩陣之選，豆腐旁邊嘅炸魷魚絲「索索聲」，豆腐粒外脆內滑，送茶一流。 「流沙奶皇包」流心澎湃，甜度剛好，作為收尾夠晒圓滿。整體份量對兩個人嚟講夠飽。由於反應熱烈，本大猴🐒食嘅十大點心套餐已經售罄，鍾意食片皮鴨點心嘅，過嚟挑戰下片皮鴨放題啦！見到有唔少熟客食放題，原來呢度有$128片皮鴨 三小時放題，連45款美食飲品仲有紅白酒飲，真係過癮 咁都得😆🙊
最驚喜係「鮑魚燒賣皇」，燒賣大粒到！（用匙羹對比就知），咬落彈牙唔油膩，面頭嘅迷你鮑魚仔唔係得個樣，鮮味幾出。
「原隻鮮蝦餃」同樣足料，蝦肉爽脆，皮薄得嚟又唔易穿，抵讚！
藥膳控一定要試「藥膳灌湯餃」，湯底濃到似飲緊老火湯，當歸杞子味好突出，灌湯餃皮薄餡多，浸住湯食暖胃又滿足。
「椒鹽豆腐粒」都係穩陣之選，豆腐旁邊嘅炸魷魚絲「索索聲」，豆腐粒外脆內滑，送茶一流。
「流沙奶皇包」流心澎湃，甜度剛好，作為收尾夠晒圓滿。整體份量對兩個人嚟講夠飽。
由於反應熱烈，本大猴🐒食嘅十大點心套餐已經售罄，鍾意食片皮鴨點心嘅，過嚟挑戰下片皮鴨放題啦！
見到有唔少熟客食放題，原來呢度有$128片皮鴨 三小時放題，連45款美食飲品仲有紅白酒飲，真係過癮 咁都得😆🙊
張貼
