樂天皇朝 (利舞臺廣場) (已搬遷) 新店位置

一行三人銅鑼灣晚飯，原本諗住去上海姥姥，不過見有好多人排隊，改去利舞台呢間樂天皇朝。8點40分到達, 點咗七彩小籠包、紅油抄手、蘿蔔絲酥餅、湯年糕、湯麵、糟魚塊同心太軟。食物味道都唔錯, 但大概九點鐘開始,侍應不停走嚟問枱上面各種調味料同埋用具要唔要，啲茶飲曬叫佢加，拎走咗個茶壺成20分鐘, 唔問佢佢都唔拎返嚟😓其中有個侍應,好似正義迴廊個肥仔主角咁款, 表情怪異, 好大聲講粗口鬧自己啲同事，九點半就催埋單，仲要大大力用個結帳本鋤落張檯度。服務態度太惡劣! 真係食得唔自在，而家明白點解唔使排隊喇。