影片
更多
2017-02-17
451 瀏覽
今日難得同舊同學聚下去左呢到食個晚飯，一入到去店面感覺唔算好大間但係樓底夠高裝修都好有格調，整體感覺好舒服唔拘謹，餐廳後面仲有個露天區域可以同朋友飲下酒吹下水添。餐廳店員好Nice又好細心為我地介紹菜式，起碼我唔覺得佢硬sell我食貴嘢先。我地點左以下幾樣菜式：凱撒沙律-沙律裡面嘅多士粒粒脆得嚟唔係燶，加埋粒粒煙肉碎特別開胃 ，沙律菜好甜絕對新鮮！海鮮拼盤-裡面嘅蟶子同翡翠螺好鮮甜 特別欣賞廚師將蟶子割成適中嘅size勁貼心。當朋友出手食生蠔，對於有童年陰影而一直唔食蠔嘅我居然有衝動問左一句「我可唔可以試一隻？」因為個擺盤實在好吸引，原來生蠔係非常鮮帶點海水味！正！西班牙蒜香炒紅蝦- 聞落好似好有鑊氣，蝦肉好爽仲混左有蒜香味，感覺唔油膩，蒜香味適中。海胆龍蝦湯-我原本係唔食海胆，但係我又係呢間餐廳挑戰了，賣相好似橙紅色嘅泡沫咖啡一樣，好精緻，味道有海胆味但冇蓋過龍蝦湯本身獨有嘅鮮味飲落有啲回甘，味道好平衡，唔錯！燒肉眼扒-當時已經食到好開心唔記得影相，牛扒冇太多花巧嘢，原汁原味最好不過。黑松露菌意大利飯- 飯嘅質感係好有咬口 ，不會好似食糊仔咁，菌味食落唔太濃。朋友點左杯玫瑰Latte
我地點左以下幾樣菜式：
凱撒沙律-沙律裡面嘅多士粒粒脆得嚟唔係燶，加埋粒粒煙肉碎特別開胃 ，沙律菜好甜絕對新鮮！
海鮮拼盤-裡面嘅蟶子同翡翠螺好鮮甜 特別欣賞廚師將蟶子割成適中嘅size勁貼心。當朋友出手食生蠔，對於有童年陰影而一直唔食蠔嘅我居然有衝動問左一句「我可唔可以試一隻？」因為個擺盤實在好吸引，原來生蠔係非常鮮帶點海水味！正！
西班牙蒜香炒紅蝦- 聞落好似好有鑊氣，蝦肉好爽仲混左有蒜香味，感覺唔油膩，蒜香味適中。
海胆龍蝦湯-我原本係唔食海胆，但係我又係呢間餐廳挑戰了，賣相好似橙紅色嘅泡沫咖啡一樣，好精緻，味道有海胆味但冇蓋過龍蝦湯本身獨有嘅鮮味飲落有啲回甘，味道好平衡，唔錯！
燒肉眼扒-當時已經食到好開心唔記得影相，牛扒冇太多花巧嘢，原汁原味最好不過。
黑松露菌意大利飯- 飯嘅質感係好有咬口 ，不會好似食糊仔咁，菌味食落唔太濃。
朋友點左杯玫瑰Latte，面上有少少玫瑰花，奶泡比例適中。我就點左美式咖啡，對於我鍾愛濃郁咖啡嚟講呢杯咖啡都好唔錯下。
張貼
