影片
更多
2015-06-18
390 瀏覽
由唔知幾時開始, 本人就愛上食譚仔三哥, 完全有魔咒一樣, 不能自拔。去到邊都想要食它。 每次都係指定動作, 叫雞肉牛丸, 無可口非佢地既雞肉真係好正...但自從發現有魚片頭供應, 現在每次都會點魚片頭...好味!!!另外, 每次都會叫多一款小食, 土匪雞翼的確係必叫的啦, 佢個種味道真係一試難忘。有時仲會叫川椒皮蛋, 同樣美味。住黃大仙咁耐, 就每個假日都會幫襯它。由夏天食到冬天, 再由冬天食到夏天。可惜..."熱" 呢個問題由2014年既冬天已經開始,但奈何個問題越黎越嚴重。冬天都還好, 因為外面既天氣寒冷, 你食到流汗可能係因為個湯底辣既關係, 令到你流汗。但夏天來了, 外面既天氣已經咁焗熱, 入到去商場食譚仔又係咁熱, 咁同我係街食大排檔有咩分別? 本人用餐期間, 短短5分鐘內就已經聽到3次用餐既人覺得太熱, 而要求坐近門口既位置, 因為近門口位放左2把風扇, 比較涼爽。坐埋邊既位置更加唔洗講, 個個人都拎住風扇仔或餐牌當扇用, 未食就已經出晒汗, 走個陣都已經大汗疊細汗, 好似做完運動咁。 本人曾經問過店員, 對話如下:我: 唔該, 想問下你地有冇開冷氣?店員: 我
每次都係指定動作, 叫雞肉牛丸, 無可口非佢地既雞肉真係好正...
但自從發現有魚片頭供應, 現在每次都會點魚片頭...好味!!!
另外, 每次都會叫多一款小食, 土匪雞翼的確係必叫的啦, 佢個種味道真係一試難忘。
有時仲會叫川椒皮蛋, 同樣美味。
住黃大仙咁耐, 就每個假日都會幫襯它。由夏天食到冬天, 再由冬天食到夏天。
可惜..."熱" 呢個問題由2014年既冬天已經開始,但奈何個問題越黎越嚴重。
冬天都還好, 因為外面既天氣寒冷, 你食到流汗可能係因為個湯底辣既關係, 令到你流汗。
但夏天來了, 外面既天氣已經咁焗熱, 入到去商場食譚仔又係咁熱, 咁同我係街食大排檔有咩分別?
本人用餐期間, 短短5分鐘內就已經聽到3次用餐既人覺得太熱, 而要求坐近門口既位置, 因為近門口位放左2把風扇, 比較涼爽。坐埋邊既位置更加唔洗講, 個個人都拎住風扇仔或餐牌當扇用, 未食就已經出晒汗, 走個陣都已經大汗疊細汗, 好似做完運動咁。
本人曾經問過店員, 對話如下:
我: 唔該, 想問下你地有冇開冷氣?
店員: 我地係中央冷氣
我: 中央冷氣?!但點解商場仲涼過你地既?
店員: 已經同商場個邊講過, 都係咁
以上對話根本就冇結論, 但我得出既結論就係, 你只可以揀食同唔食。
係...譚仔既味道真係留得住人地個胃, 但係咁熬既底下食碗咁熱既米線, 我下次再去就一定會諗諗先。
(除非外賣或者有得揀坐出面啦, 唔係都幾難)
張貼