今日約咗大學時期認識嘅馬來西亞同學去屯門行街，黎到GOGO Mall發現有間馬來西亞餐廳--馬拉公公，呢間餐廳嘅食材由馬來西亞來貨，由馬來西亞華橋主理，咁梗係要同我呢位馬來西亞土生土長嘅同學黎食下。

叫餐方式係先選擇一種湯底，然後選擇配餸，最後選擇麵/飯底。我就叫咗個福建蝦麵湯底+傳統海鮮（魚片、魚蛋、蝦）+摻摻。朋友就選擇椰香白咖喱湯(喇沙)湯底＋豬頸肉＋摻摻。

馬來西亞朋友話摻摻係好地道嘅馬來西亞食法，即係油麵加米粉。米粉可以吸收到湯底嘅精華，會食到濃郁湯底嘅味道，非常入味！

我本身唔係好食得辣，雖然福建蝦麵湯底已經唔算辣，係我接受到嘅範圍，但係都係要跟餐加返杯凍飲較為穩妥。

野飲方面，我地分別叫咗凍馬拉拉茶同凍怡保白咖啡。我樽凍馬拉拉茶，甜度適宜，完美緩解返湯底嘅少許辣味。

馬拉西亞朋友表示係香港好難得食到一間咁正宗嘅檳城口味餐廳，一解佢思鄉之情。