Running Pig

營業中

休息中

有個韓國同事早幾日話荃灣嘉力果到開左間烤五花腩好正的餐廳，新開好正咁話， 我話係咪架， 佢話韓國人煮，味道好正宗，佢見我唔多信，佢就話得， 你唔信我就買去你屋企食， 我以為佢講笑，點知放工佢真係買上來。見佢拎住個外賣袋寫住running pig 好得意喎， 一打開外賣，真係五花腩喎， 睇一睇外賣單，原來佢order 左一份烤濟洲黑毛豬五花腩套餐同我食， 超驚喜囉， 一個套餐有齊哂泡菜呀，酸蘿蔔呀， 沙律菜果，伴飯醬果d， 唔講真係以為自己去左韓國食野咁。我見到宣傳單有好得意公仔教點樣配搭來食最好味，亦有教點樣溝燒酒飲最正， 呢間店誠意十足，味道滿分， 等我都 order 兩set 父親節同老豆嘆下先。