影片
更多
2021-01-05
142 瀏覽
今次介紹一間喺大角咀嘅台灣小店，入面嘅店員都係講國語，嘢食都好地道，當然有最愛嘅蛋餅，而佢嘅蛋餅味道亦都有好多款，今次為大家介紹一下最受歡迎嘅兩種🙆🏻♀️呢個超濃芋泥蛋餅係喺openrice最多人推介嘅，超級滿嘅芋泥餡再加埋邪惡嘅芝士，營造左拉哂絲嘅餡料，真係打卡一流🤩 一上到黎熱辣辣，食起上嚟鹹鹹甜甜咁，好味得黎又幾過癮🤪 不過呢個真係要趁熱食，一凍左再食，啲芋泥就會好膩😥呢個薯餅蛋餅純粹係出於好奇所以嗌左黎試，但係估唔到都好有驚喜下😚 同樣有芝士喺入面，加埋外脆內軟嘅薯餅，口感十分豐富，再點埋佢個蛋餅醬，小小辣，好惹味好開胃😋 呢個真心推介！本來好掛住台灣嘅麵線，但呢到嘅麵線真係好鹹，本身台灣麵線重口味都明白，但係佢呢個真係鹹到唔係幾食得落，要一邊食一邊飲嘢先得🥲，雖然佢個大腸份量都多又幾好食，但係避免腎虧，都係唔建議大家嗌🤣嚟到食台灣野，牛肉麵都係必點嘅item之一，今次嗌咗個牛筋牛肉麵，有兩塊大牛𦟌同幾舊牛筋，仲有大大舊蘿蔔同兩棵菜，配料勁豐富🤩 主角牛𦟌牛筋好入味好腍，而麵條就還好，佢嘅麵條就比較軟身啲啲，始終都係比較鍾意食彈牙啲嘅麵，而湯底就好濃郁，係幾地道嘅牛肉麵湯底！珍
超濃芋泥蛋餅
$38
40 瀏覽
0 讚好
0 留言
呢個超濃芋泥蛋餅係喺openrice最多人推介嘅，超級滿嘅芋泥餡再加埋邪惡嘅芝士，營造左拉哂絲嘅餡料，真係打卡一流🤩 一上到黎熱辣辣，食起上嚟鹹鹹甜甜咁，好味得黎又幾過癮🤪 不過呢個真係要趁熱食，一凍左再食，啲芋泥就會好膩😥
薯餅蛋餅
$30
21 瀏覽
0 讚好
0 留言
呢個薯餅蛋餅純粹係出於好奇所以嗌左黎試，但係估唔到都好有驚喜下😚 同樣有芝士喺入面，加埋外脆內軟嘅薯餅，口感十分豐富，再點埋佢個蛋餅醬，小小辣，好惹味好開胃😋 呢個真心推介！
大腸麵線(小)
$28
3 瀏覽
0 讚好
0 留言
本來好掛住台灣嘅麵線，但呢到嘅麵線真係好鹹，本身台灣麵線重口味都明白，但係佢呢個真係鹹到唔係幾食得落，要一邊食一邊飲嘢先得🥲，雖然佢個大腸份量都多又幾好食，但係避免腎虧，都係唔建議大家嗌🤣
眷村紅燒牛筋牛肉麵
$70
2 瀏覽
0 讚好
0 留言
嚟到食台灣野，牛肉麵都係必點嘅item之一，今次嗌咗個牛筋牛肉麵，有兩塊大牛𦟌同幾舊牛筋，仲有大大舊蘿蔔同兩棵菜，配料勁豐富🤩 主角牛𦟌牛筋好入味好腍，而麵條就還好，佢嘅麵條就比較軟身啲啲，始終都係比較鍾意食彈牙啲嘅麵，而湯底就好濃郁，係幾地道嘅牛肉麵湯底！
經典珍珠奶茶
$24
3 瀏覽
0 讚好
0 留言
珍珠奶茶一定係食台灣野嘅must-have item啦！而佢呢個珍珠奶茶因為叫咗正常甜度，飲落都算幾甜，奶茶味就比佢個甜味蓋住咗，好彩珍珠彈牙有咬口啲，所以好甜嘅朋友都可以一試🙈
總括而言，呢間台灣野我個人除咗蛋餅之外，其他野食都唔特別推介，一黎普普通通，二黎個麵線真係鹹到扣哂分🙈 不過蛋餅就幾出色，特別係個薯餅蛋餅，真係幾特別又幾好食😋 而店內嘅環境好台式好懷舊，有種入咗台灣學校食便當嘅感覺，掛住台灣嘅你都可以去下🤣
張貼
