泰廚泰國菜館

營業中

休息中

經過通菜街，就決定喺度食午餐，大概中午2點左右，想試下泰國菜，所以就選擇泰廚～果然無揀錯，經過都未食過，有多款唔同嘅午餐，頭三個午餐會經常轉，4-10號午餐就不變，送餐湯加香茅冰或者青檸冰～今次我選咗午餐9號 泰式青檸雞飯，非常特別，因為配雞嘅酸汁好特別，我從來喺泰國餐未食過，另外叫咗海鮮冬陰功，炭燒豬頸肉，串燒，生蝦，海蜇加一杯香茅冰，呢度嘅香茅冰唔係用香茅粉沖出嚟，係真正香茅浸出嚟，所以特別香，全部菜式都好有水準，最特別係服務態度非常好，店員好有人情味，主動同我哋傾偈，另外都有係泰國人嘅員工，啲嘢食服務又好，真係會想再幫襯吓一次，其實地點都好方便，最開心係呢度冇+1服務費！亦都冇蛋糕餅費～非常推介大家一齊食！味道正宗！