影片
更多
2023-06-18
155 瀏覽
瀨瀨屎燒賣($20 6粒）唔好依為係普通酒樓嘅豬肉燒賣，入面係包住醃製過嘅豬肉混合埋粉絲，好重香料食落好特別，同普通嘅豬肉燒賣唔同。鬼汁（$50）有啲似食緊有湯嘅豬腸粉，湯底好特別有少少藥材味，喜歡肉骨茶嘅朋友仔，不妨試試，而當中嘅料都好豐，有豬肚、豬紅、豬肉、仲有兩隻鵪鶉蛋，份量足夠。另外仲揀咗幾串串燒（$80 5串）有脆皮燒腩串、雞全翼、豬肉丸串，全部都燒得外焦內嫩。其中個人特別推介嘅就係豬肉丸串，好特別，因為豬肉混埋粉絲攪成肉丸，用腸皮包裹住，燒完之後、咬落腸皮彈牙，肉質結實，回味無窮串燒同沙嗲醬永遠係絕配，串燒沾上小店提供的沙嗲醬充滿香濃花生味，味道層次更豐富。
唔好依為係普通酒樓嘅豬肉燒賣，入面係包住醃製過嘅豬肉混合埋粉絲，好重香料食落好特別，同普通嘅豬肉燒賣唔同。
鬼汁（$50）
有啲似食緊有湯嘅豬腸粉，湯底好特別有少少藥材味，喜歡肉骨茶嘅朋友仔，不妨試試，而當中嘅料都好豐，有豬肚、豬紅、豬肉、仲有兩隻鵪鶉蛋，份量足夠。
另外仲揀咗幾串串燒（$80 5串）有脆皮燒腩串、雞全翼、豬肉丸串，全部都燒得外焦內嫩。
其中個人特別推介嘅就係豬肉丸串，好特別，因為豬肉混埋粉絲攪成肉丸，用腸皮包裹住，燒完之後、咬落腸皮彈牙，肉質結實，回味無窮
串燒同沙嗲醬永遠係絕配，串燒沾上小店提供的沙嗲醬充滿香濃花生味，味道層次更豐富。
張貼
