影片
更多
2023-11-21
82 瀏覽
👍🏻泰脆炸豬手 $248招牌必食！炸豬手厚切大嚿，外皮脆卜卜，連住少量脂肪筋膜啲肉唔會炸到好乾柴，皮脆肉嫩，鹹香十足，沾上酸辣豬手汁，非常惹味份量勁大成座山咁，足夠3-4人share😎-👍🏻牛丸牛肉船粉 $63牛丸、牛柏葉、牛肉三寶，牛丸牛味濃又多汁，少少黑椒味辣辣地牛柏葉爽口切得幼細，唔韌容易咬，吸晒啲湯好入味鮮牛肉非常軟嫩，完全冇筋湯底濃稠杰身，味道偏濃，加上爽口嘅芽菜、芫荽、九層塔，香料味重，河粉超吸汁掛湯😛-👍🏻滷水豬手乾撈蛋麵 $63大大碟抵食飽肚之選！豬手皮係厚身軟腍黏口個種，肉咬落有滷水汁，唔乾柴，滷得入味又唔算太鹹蛋麵有啲似港式幼麵，麵質彈牙，有少少鹼水味調味比較淡，微微甜，食到啲蛋香不過略嫌太油膩，個嘴食完好似搽咗潤唇膏咁😂-👍🏻黃咖喱牛腩 $108 牛腩唔算肥，少量肥膏，但煮得腍身，唔韌又冇騷味咖喱入口帶甜，後勁滲出適中辣勁同濃郁香料味，質地濃稠，份量都唔細，撈飯一流，夠晒惹味-👍🏻極上牛小排沙律 $148推薦！估唔到牛小排份量都幾多，以為用沙律菜墊底，撩開原來全部都係牛小排😳牛小排肥瘦相間，軟嫩冇筋，牛味非常濃郁，咬落多肉汁好juicy🤤！加入辣椒粉、紫洋蔥、蔥花
招牌必食！炸豬手厚切大嚿，外皮脆卜卜，連住少量脂肪筋膜
啲肉唔會炸到好乾柴，皮脆肉嫩，鹹香十足，沾上酸辣豬手汁，非常惹味
份量勁大成座山咁，足夠3-4人share😎
-
👍🏻牛丸牛肉船粉 $63
牛丸、牛柏葉、牛肉三寶，牛丸牛味濃又多汁，少少黑椒味辣辣地
牛柏葉爽口切得幼細，唔韌容易咬，吸晒啲湯好入味
鮮牛肉非常軟嫩，完全冇筋
湯底濃稠杰身，味道偏濃，加上爽口嘅芽菜、芫荽、九層塔，香料味重，河粉超吸汁掛湯😛
-
👍🏻滷水豬手乾撈蛋麵 $63
大大碟抵食飽肚之選！
豬手皮係厚身軟腍黏口個種，肉咬落有滷水汁，唔乾柴，滷得入味又唔算太鹹
蛋麵有啲似港式幼麵，麵質彈牙，有少少鹼水味
調味比較淡，微微甜，食到啲蛋香
不過略嫌太油膩，個嘴食完好似搽咗潤唇膏咁😂
-
👍🏻黃咖喱牛腩 $108
牛腩唔算肥，少量肥膏，但煮得腍身，唔韌又冇騷味
咖喱入口帶甜，後勁滲出適中辣勁同濃郁香料味，質地濃稠，份量都唔細，撈飯一流，夠晒惹味
-
👍🏻極上牛小排沙律 $148
推薦！估唔到牛小排份量都幾多，以為用沙律菜墊底，撩開原來全部都係牛小排😳
牛小排肥瘦相間，軟嫩冇筋，牛味非常濃郁，咬落多肉汁好juicy🤤！
加入辣椒粉、紫洋蔥、蔥花，整體酸酸辣辣，惹味開胃
-
👍🏻椰皇沙冰 $42 & 泰式冰奶茶 $34
沙冰做緊買一送一🔥飲品推薦椰皇沙冰，充滿啖啖椰子蓉，足料濃郁
泰奶就正常發揮，有茶香唔會太甜
-
味道：8/10
性價比：8/10
-
📍#BTS美食站 @bts.foodstation
九龍城南角道11號地舖
張貼
