星怡 (已結業)

天氣又開始濕凍，肥仔脂肪都頂唔住了。想食個熱湯暖身，見呢間星馬菜有肉骨茶，入去食飯佢取暖！♨️馬來西亞肉骨茶飲肉骨茶從來最重要就是藥材味，此店藥材味道濃郁，真材實料。茶中有燉到軟爛可口的當歸，紅棗及最大驚喜：大半棵蒜頭,無睇錯，超香。配料方面，內有金沙排骨數條，非常入味，配上三小塊香脆油條。♨️星洲金沙蝦蝦肉鮮嫩彈牙，炸過後又香脆可口，配上香濃鹹蛋黃份外滋味，食落仲有沙沙呢口感。♨️炸榴蓮湯圓外皮香脆，榴槤味濃，口感軟滑，味道甘甜可口。總結，夠鑊氣，真材實料，推薦！