Casa Cucina & Bar (已搬遷) 新店位置

中環樓高三層意大利餐廳，供應正宗意式小食同新鮮自家製手工意大利麵食！鴨胸肉醬闊麵選用了手工意粉，鴨胸撕成肉絲後加入意大利蕃茄醬同烤鴨汁製成肉醬，再加入雞肝凍、忌廉、芝士等一齊煮，闊麵相當掛汁，肉醬帶香濃鴨肉香氣！墨汁鮮魷先將米意粉混和蟹肉同海膽釀入鮮魷中，再伴上墨汁，集鮮魷、海膽鮮味於一身，味道同口感層次豐富。牛尾意大利雲吞選用了手工雲吞皮，雲吞的餡料用了牛尾，而非普通的豬肉或雞肉，極具創意，牛尾味道非常之濃郁，絕對有驚喜！提拉米蘇Tiramisu採用意大利家庭式做法，食落除咗芝士同咖啡香，亦帶淡淡酒香，口感軟滑綿密。