影片
更多
2025-03-13
367 瀏覽
因工作關係，成日黎黃竹坑。自從Southside開咗之後，多咗好多唔同嘅食肆選擇，但食得最多嘅，可算係呢間。當初知佢喺台灣過黎荃灣如心開，已即刻去捧場。到依家黃竹坑開咗，我都帶朋友食過好多次。今次我都係食紅燒半筋半肉麵，一如既往，啲筋同肉都煮得好軟糯好淋香。我覺得佢紅燒個湯底精彩過原味同蕃茄湯。我常叫都係呢個。同行朋友就叫咗個胡椒酸菜豬手麵，佢就揀幼麵。而我都係揀佢嘅手工麵。我仲叫咗個豬耳同蝦餅小食添。加埋一人一杯珍珠奶茶。大概食咗四百蚊到啦。講真，價錢唔算平，喺附近都有好多選擇添，但論食物質數同台灣食嘅一模一樣，係抵俾嘅。唯一美中不足嘅係，我地拎住咁多野，佢都無安排我地坐四人檯。果時下午茶時段又唔滿座。坐得唔闊落唔舒服，張檯又細又同隔離好近，都唔想再叫多兩樣小食。安排我地坐出面啲檯，入面就吉嘅，想出面啲人行過好睇啲？睇落多人啲？
當初知佢喺台灣過黎荃灣如心開，已即刻去捧場。到依家黃竹坑開咗，我都帶朋友食過好多次。
今次我都係食紅燒半筋半肉麵，一如既往，啲筋同肉都煮得好軟糯好淋香。我覺得佢紅燒個湯底精彩過原味同蕃茄湯。我常叫都係呢個。
同行朋友就叫咗個胡椒酸菜豬手麵，佢就揀幼麵。而我都係揀佢嘅手工麵。
我仲叫咗個豬耳同蝦餅小食添。加埋一人一杯珍珠奶茶。大概食咗四百蚊到啦。講真，價錢唔算平，喺附近都有好多選擇添，但論食物質數同台灣食嘅一模一樣，係抵俾嘅。
唯一美中不足嘅係，我地拎住咁多野，佢都無安排我地坐四人檯。果時下午茶時段又唔滿座。坐得唔闊落唔舒服，張檯又細又同隔離好近，都唔想再叫多兩樣小食。安排我地坐出面啲檯，入面就吉嘅，想出面啲人行過好睇啲？睇落多人啲？
張貼
