狎鷗亭居酒屋

營業中

休息中

喺香港要搵正宗嘅韓式菜餐廳唔多，但喺諾士佛臺嘅呢一間餐廳菜式非常地道，而且環境舒適，私隱度高，餐廳職員大部份都係講韓文，都可以用簡單英文溝通。✨韓式包豬肉：豬肉係用咗五花腩，肥瘦相間，肉質鮮嫩，配埋燒烤醬蒜片生菜一齊食，完全唔會覺得油膩。✨生拌牛肉：加埋蛋黃、蒜片同雪梨一齊拌，蛋黃令到牛肉質感食落更加嫩滑，雪梨夠清甜，估唔到呢個配搭會咁夾。✨石頭芝士泡菜炒飯：呢個係店員既推介，本身諗住會比較普通，但食落好驚喜。非常濃厚嘅拉絲芝士，撈埋微微酸辣嘅泡菜，絕配。✨柚子檸檬麗塔：好清新嘅配搭，飲到香甜柚子香嘅同時都有微微酸既檸檬清新，個配搭好夾，最鍾意佢唔會太甜。✨西柚麗塔：雖然係含酒精飲品，但非常易入口，就算係西柚口味都唔會有苦澀嘅味道。