狎鷗亭居酒屋

睇咗幾個評論都係講員工嘅態度差 上到去食飯發覺係男經理態度極差 其他員工冇乜野個男經理安排左我同老婆坐嘅二人枱係冇鐘俾我地禁 如果要落單或者搵佢地嘅話 我係要等佢哋上菜俾隔離枱 或者我行出去先搵到佢地 出到去搵個男經理落單 佢已經擺出一副唔想幫我嘅態度 我都未講完就要走 仲要落漏單之後問佢d 小食可唔可以refill 佢話可以 我擰轉頭問老婆想要咩嗰陣 佢又行開左食物質素上 前菜嘅泡菜唔夠味 泡菜係韓國人嘅傳統小食 咁都可以做得唔好 不過有個菠菜樣嘅前菜就做得幾好食另外叫咗個豆腐鍋 年糕即食麵 芝士雞蛋餅都係普通 …查看更多

未試過去間餐廳服務咁差，唔好講過會限時，去到話個半鐘8:30要交枱，咁即刻book下一輪九點。咁點知佢8.15已經俾我哋叫嘢食。我哋話book咗九點，佢叫我哋買單出去等半個鐘九點左右比床香港啲餐廳生意真係咁好咩？同朋友慶祝生日蛋糕未食就要走，真係極級不滿同掃興!…查看更多

6個人食飯，1個半鐘，食m記都食得耐過佢。飯未食完就趕人走，逼住去咁叫炸野。味道又比以前難食，海鮮餅又唔熟，食咗咁多年都係咁話係，老闆娘唔喺度就係咁，以後唔會再幫襯。…查看更多

3個女仔用餐🍴1️⃣魚卵湯魚卵嘅魚腥味比較重，鍋裏面嘅嘢食味道偏淡，湯底都一般。而且價錢頗貴，唔算好抵食。🥹🥹2️⃣炒年糕拉麵相反，呢個幾好味！年糕好入味，而且好煙靭，好有咬勁！拉麵嘅軟硬適中，加埋佢啲醬，好好味！佢嘅味係辣得來又帶點甜，如果鍾意食甜啲嘅韓國料理，相信你會好鍾意！😆限時係1個半鐘，6點半後人數會比較多，建議大家要on time到達，唔係嘅話服務員執台就會比較趕。環境方面，好有韓國嘅風格！不錯！…查看更多

隱藏於諾士佛臺酒吧街嘅傳統韓國菜，唔少員工係韓國人，睇埋佢個餐牌同裝修，感覺係幾正宗嘅韓國菜~首先上六小碟前菜，最鍾意魚糕、魚仔同菠菜~🔘大盤冷麵天氣熱，叫咗兩個涼拌菜share食，見到顏色鮮艷嘅擺盤，已經食慾大增，其實撈麵都要有啲技巧，好彩阿豬媽好好人有幫手，麵條煙韌彈牙，醬汁酸酸地，配菜有青瓜、紅蘿蔔、椰菜、梨肉、蘋果、車厘茄同雞蛋，全部切絲，口感超級豐富~🔘涼拌螺肉螺肉份量幾多，肉質厚實有嚼勁，用上比較軟身嘅白色麵條，更吸汁，呢款醬汁更加辣同惹味，好能夠刺激味蕾~🔘芝士雞蛋卷蛋卷鬆軟，鍾意佢放咗勁多軟芝士，好香之餘仲令味道提升~🔘菠蘿椰子麗塔味道似Pina Colada，配搭Cass啤酒，味道清新解膩，好大杯飲極都仲有~🔘柚子檸檬麗塔呢款係冇酒精嘅，插住嗰枝係西柚味有氣果汁，口味偏酸dd~…查看更多