肥姐麻辣餐廳

營業中

休息中

同一個朋友慶祝生日，所以就揀咗出名食辣嘅肥姐，行過咗個沙咀道球場就到。一坐低姨姨就比咗碟前菜，同埋推介我哋食咩。我哋揀咗辣子雞、夫妻肺片、酸辣土豆絲…………嘅BB辣。辣子雞BB辣=小辣，而且夠麻。炸完都冇出現油浸嘅情況。啲雞炸得好脆，但又冇搶走雞味。最意想不到嘅係豆豉！炸咗之後啲豆豉味出晒嚟，口感唔會好淋，配埋佢有辣椒香味，好惹味，啲豆豉食下食下就冇晒。夫妻肺片食完麻辣，食返啲蒜蓉解下辣。睇落細碟，但其他入面都好多塊，份量都多。最好就係佢用咗青瓜墊底，青瓜索咗啲汁，甜甜哋，仲有蒜蓉味，呢碟好開胃。酸辣土豆絲最後食個薯仔絲。酸辣味好平均，唔會酸到變面，亦唔會辣到搶走啲酸味。大廚用咗蒜同埋紅椒絲炒，提昇咗薯仔嘅甜味出嚟。