寶字號刀削麵

營業中

休息中

放工見附近新開咗間刀削麵，便和同事去試吓，餐廳裝修很中國風，色彩繽紛，充滿中國特色。 我哋叫咗超值單人麵套餐、超值下午茶套餐、烤牛肉串、白灼時蔬及兩杯嘢飲。超值單人麵套餐套餐包括一麵食，一小食及一杯嘢飲。我哋揀咗寶字號豬肉刀削麵及蔥油小木耳，寶字號豬肉刀削麵係佢哋嘅招牌菜之一，刀削麵煙韌好食，湯底濃郁，配上豬肉碎非常之美味；蔥油小木耳，清新爽口。超值下午茶套餐有三樣嘢，包括肉夾饃、醬骨架、桂花雪梨。肉夾饃即點即烤，外皮烤得好鬆脆，內裏肉汁非常之多，好食。醬骨架，煮得入味，不錯。桂花雪梨，清甜，雪梨滲出淡淡嘅桂花香，係一個清新嘅甜品。烤牛肉串牛肉串烤得很香口，非常地道惹味。 白灼時蔬白灼時蔬係菜心苗，灼得翠綠爽口，不錯。