上海婆婆336 (iSQUARE國際廣場)

營業中

休息中

呢日約左好耐冇見既朋友食飯，我地去左呢間喺尖沙咀既上海菜餐廳食dinner。打開餐牌，見到有好多好傳統既上海菜。今次點左好多野食，包括上海小籠包、雞絲拌粉皮、黑醋排骨、奶湯津白等菜式。小籠包熱辣辣，皮薄餡靚，入面爆多汁！雞絲粉皮上面有好香既芝麻醬，好惹味。仲有好開胃既黑醋排骨，配白飯食好正。最後點左呢個奶湯津白，娃娃菜煮到好腍好入味。飲品方面，點左凍豆漿同埋芒果龍井茶，芒果龍井茶唔會太甜，好味道。