永年士多 (寶城洋樓)

營業中

休息中

試過幾次呢間車仔麵，微辣都已經足夠刺激味蕾，加上重味精湯底，的確係傳統車仔麵。是日點咗我最鐘意既白蘿蔔，還有牛筋同韮菜餃。白蘿蔔勁好味，又淋又入味，放咗陣浸下仲入味，連d辣味都浸埋入去，真係超野味牛筋就不夠淋，但都入味，尚算ok,韮菜餃就真係一般，下次唔會再點。再加杯紅豆奶茶冰真係無得彈朋友叫咗紅腸、豆卜及魚蛋，但唔知點解佢d餸份量少得驚人豆卜得一粒半，紅腸有三大片，魚蛋份量就正常。唔知係咪家下d豆卜好貴呢？佢又叫微辣，但成碗都係辣醬，辣到佢呢⋯⋯應該係廚房攪錯咗原本好好地一碗麵就變得唔好了。