桂花小幸 (元朗廣場)

營業中

休息中

係元朗太多好野食，唔知揀咩好，自己一個容易搵位，係元朗廣場經過桂花小幸，係台灣麵呀，好想食⋯⋯好，坐低睇吓有咩好食先。麻辣豬手麵，叫左麻辣，辣度十足，配Q彈台灣麵，好咬口，湯底係牛肉湯好濃郁。豬手好有肉地，充滿骨膠原，醃得好入味，豬皮好彈，肉又夠腍。台灣烤香腸，食親台灣腸，我就會諗起鄉下，定律咁，台灣腸唔太咸，獨有嘅輕甜，我至愛！芝士奶蓋桂花烏龍茶加珍珠，芝士奶蓋好creamy又實淨，桂花烏龍好清香，仲加埋Q彈珍珠，清新得來又邪惡。