極尚大瀛喜日本料理 (已結業)

暑假緊係要約好朋友歡聚下的， 謙謙和朋友仔最喜歡食壽司刺身果d ， 所以我地一於去食放題， 咩都有得食，總有一款岩自己口味， 每樣都可以叫一件唔洗驚叫多左浪費。呢到係用 QR Code 落單，刺身壽司款式都多選擇， 先來order左一大盤刺身， 赤貝、北寄貝和希靈魚都好爽口、榮螺好彈牙，帶子和牡丹蝦都好鮮甜，而我最愛的三文魚就好肥美，仲要砌成花，好鬼吸引。兩位搞笑友好興奮咁拎住個金銀蒜蓉醬蒸元貝來乾杯， 佢地話蒸得剛好冇over cook ，另外黃金醬燒開邊蝦，個醬好滋味，又食得方便，最後仲有最得我心的鮑魚，爽口彈牙。壽司好多款式，每件細細可以叫多幾款， 鰻魚和比目魚必叫啦啖啖肉冇大骨。羊架和芝麻雞翼愛吃肉人士一定要叫好惹味。串燒方面，牛舌帶一點黑椒味又爽口， 燒脆肉瓜特別香甜。最後食返d 水果消下油膩感，小朋友就緊係食雪糕啦！呢到都有唔同牌子選擇，榴槤雪條最得阿仔歡心。