影片
更多
2022-09-06
30 瀏覽
並排而立嘅汕頭街、利東街同廈門街一向都餐廳食肆林立，不過多還多同樣變得快，隔一排會發覺又多咗間餐廳（即係又有一間結業囉！）。三街之中自問最少涉足係廈門街，不過今次離遠望又被呢間餐廳嘅醒目黃吸引！不過如果以為餐廳內部裝潢會有好多IGtable嘅元素咁又錯晒，餐廳裝修格局單純以乾淨明亮為主，冇好吸睛但卻平易近人，大概可以用親民來做個小總結。食物方面主打係台式料理，鹽酥雞、古早味炸豬排、三杯魷魚同麻油雞麵線等相信大家都耳熟能詳，個人認為比較特式嘅係個「半筋半肉」嘅台式牛肉麵麵同三杯魷魚，味道四平八穩，正如前文所講，係相當樸實無華嘅一間台式小店，想在如此大競爭嘅區域站住腳，真心要加加油喔！/ 鹽酥雞滷肉飯鹽酥雞同滷肉飯可以話係台式料理嘅兩大王牌！香軟白飯淋上炒香肉臊，飽肚又惹味！呢度嘅滷肉飯個人認為調味較為輕怡，唔算好重口味，豬肉肥瘦適中軟腍入味，不過醬汁再多啲拌飯就更開心！至於鹽酥雞粉漿薄薄一層唔太厚，炸得啱啱好，餸飯係一流！/ 經典台式牛肉麵半筋半肉麵可以滿足晒兩個要求，揀咗最classic嘅紅燒牛肉配台灣刀削麵 ，牛肉肉質軟嫩入味，湯底唔算好濃重，有些微花椒香。/ 滷水豆腐
滷水大概亦
並排而立嘅汕頭街、利東街同廈門街一向都餐廳食肆林立，不過多還多同樣變得快，隔一排會發覺又多咗間餐廳（即係又有一間結業囉！）。三街之中自問最少涉足係廈門街，不過今次離遠望又被呢間餐廳嘅醒目黃吸引！
不過如果以為餐廳內部裝潢會有好多IGtable嘅元素咁又錯晒，餐廳裝修格局單純以乾淨明亮為主，冇好吸睛但卻平易近人，大概可以用親民來做個小總結。食物方面主打係台式料理，鹽酥雞、古早味炸豬排、三杯魷魚同麻油雞麵線等相信大家都耳熟能詳，個人認為比較特式嘅係個「半筋半肉」嘅台式牛肉麵麵同三杯魷魚，味道四平八穩，正如前文所講，係相當樸實無華嘅一間台式小店，想在如此大競爭嘅區域站住腳，真心要加加油喔！
/ 鹽酥雞滷肉飯
鹽酥雞同滷肉飯可以話係台式料理嘅兩大王牌！香軟白飯淋上炒香肉臊，飽肚又惹味！呢度嘅滷肉飯個人認為調味較為輕怡，唔算好重口味，豬肉肥瘦適中軟腍入味，不過醬汁再多啲拌飯就更開心！至於鹽酥雞粉漿薄薄一層唔太厚，炸得啱啱好，餸飯係一流！
/ 經典台式牛肉麵
半筋半肉麵可以滿足晒兩個要求，揀咗最classic嘅紅燒牛肉配台灣刀削麵 ，牛肉肉質軟嫩入味，湯底唔算好濃重，有些微花椒香。
/ 滷水豆腐 滷水大概亦係台灣的街頭夜市特式之一，甘甜嘅醬汁滷出嚟嘅嘢食都好惹味，個滷水豆腐質感爽彈，豆香就唔算好重，反而滷香完勝。
張貼
