影片
更多
2020-03-23
1152 瀏覽
尖沙咀食拉麵 來來去去 豚王或者霸嗎 有啲悶 今日發現一間新開嘅拉麵店 隱藏喺The One IT時裝店群裏頭 開張只有兩個月 主打柚子口味 -🍹柚子青檸梳打 ($38)柚子加埋青檸 兩種微澀微酸味道夾雜 幾得意 清新口味依然-🥃Afuri yuzu highball ($79)食拉麵飲cocktail 都係第一次 用佢配味道濃啲嘅拉麵都唔錯-🦀炸軟殼蟹包 ($58)呢個小食有驚喜 原隻軟殼蟹 淋上特製千島醬 刈包上烘上Afuri 字樣 賣相靚到不得了 自然相機先食 軟殼蟹外脆內軟 醬汁醒胃 加些少泡菜 味道相當討好 麵包鬆軟 食完真係有啲依依不捨 個人推介-🍜柚子鹽味拉麵 ($98)柚子鹽味係主打 先吃為快 從呷兩啖湯開始 湯底味道清新 由鷄湯淆成 隱約滲透柚子味同淡淡嘅鹽味 整體味道協調 麵條爽口又有咬口 師傅煮麵嘅時間掌控 做得非常出色 即使浸住湯慢慢食 麵條唔會腍 值得一讚-🍜柚子醬油拉麵 ($98)鍾意味道重啲 試呢個醬油版本 柚子香味依然 代之而來嘅 係濃稠嘅醬油味 唔好錯過佢塊半肥瘦叉燒 亦係水準食物-🥡🥢柚子鹽杯麵
尖沙咀食拉麵 來來去去 豚王或者霸嗎 有啲悶 今日發現一間新開嘅拉麵店 隱藏喺The One IT時裝店群裏頭 開張只有兩個月 主打柚子口味 
-
🍹柚子青檸梳打 ($38)
柚子加埋青檸 兩種微澀微酸味道夾雜 幾得意 清新口味依然
-
🥃Afuri yuzu highball ($79)
食拉麵飲cocktail 都係第一次 用佢配味道濃啲嘅拉麵都唔錯
-
🦀炸軟殼蟹包 ($58)
呢個小食有驚喜 原隻軟殼蟹 淋上特製千島醬 刈包上烘上Afuri 字樣 賣相靚到不得了 自然相機先食 軟殼蟹外脆內軟 醬汁醒胃 加些少泡菜 味道相當討好 麵包鬆軟 食完真係有啲依依不捨 個人推介
-
🍜柚子鹽味拉麵 ($98)
柚子鹽味係主打 先吃為快 從呷兩啖湯開始 湯底味道清新 由鷄湯淆成 隱約滲透柚子味同淡淡嘅鹽味 整體味道協調 麵條爽口又有咬口 師傅煮麵嘅時間掌控 做得非常出色 即使浸住湯慢慢食 麵條唔會腍 值得一讚
-
🍜柚子醬油拉麵 ($98)
鍾意味道重啲 試呢個醬油版本 柚子香味依然 代之而來嘅 係濃稠嘅醬油味 唔好錯過佢塊半肥瘦叉燒 亦係水準食物
-
🥡🥢柚子鹽杯麵 ($32)
朋友係柚子控 柚子梳打加拉麵 仍然意猶未盡 索性買個杯麵 返屋企安哥 杯麵由神奈本店提供 只此一家 遲啲堂食再買走 有優惠價 令人期待
-
📍尖沙咀彌敦道100號The One2樓
張貼
