麵屋丸京

營業中

休息中

服務態度好差，樓面好專心玩電話，叫咗個麵同波子汽水，波子汽水先到，就咁粒聲唔出放低走咗去，我想叫佢比飲管，但佢已經勁快返埋收銀位專心玩電話，我望住佢成五分鐘，想睇吓佢會唔會見到有客搵佢，真係完全唔理。到有一張準備埋單，佢先抬起頭見到我叫佢，天氣咁熱五分鐘，凍飲都變熱飲！ 問佢有冇飲管，快而準「無！」，就咁走咗返去繼續玩電話！ 大佬你冇都比隻杯嚟啦，hea到咁,早知幫襯馬蹄徑新開嗰間拉麵店，咁多嘢飲賣竟然冇飲管？ 罐裝可以就咁飲（只要人哋唔嫌你個罐污糟），但波子汽水點就咁飲？ 我倒落杯都比粒波子kick 住出唔到汽水，希望呢間鋪嘅老闆見到呢個po, 真係比之前差咗好多，連食物賣相都係，唔會再有下次，勁hea, 埋單$118 ，唔怪之得個個北上消費！ No next time!感覺店舖環境/衛生/服務都差咗好多，明明以前丸京唔係咁樣！