平昌 (已結業)

朋友想食韓燒，而我又想食醬蝦醬蟹，於是選好了平昌!!在樂富廣場出口一出，乘電梯到3樓，便能找到平昌。裝修令你好似置身於弘大的燒烤店，每張凳下可以放衣物、手袋，而且每張枱都會兩款夾子及剪刀，很細心。可以任添食泡菜、生菜、芽菜，夾住肉一齊食，解油膩！正！雪櫃內的汽水任飲，除左有平時見到既汽水、烏龍茶外，仲有充滿韓國風味的忌廉溝鮮奶，一定要飲!我們選了世子套餐，因為肉、飯麵的種類選擇較多，仲有最吸引的醬油蝦、醬油蟹。醬油蝦的醬油味唔鹹，略有少少甜味，新鮮得黎軟糯，殼不痴身，好味，我應該食左至少十隻。醬油蟹的殼是軟軟，所以用拇指推一推，蟹肉都已經出哂黎，蟹肉好軟，而且充滿麻油既香味，好想嗌個飯撈埋一齊食!冷麵（辣）麵質煙韌，好有咬感，一啖熱辣辣嘅肉，再配一口冷麵，很刺激肉方面豬皮好似食緊硬硬既啫喱，好煙韌，好好味!!燒到半熟時，要用剪刀剪開，因為豬皮會捲起，唔剪的話怕燒唔熟。護心肉，我覺得係最好食既肉，因為佢係豬，一定要燒熟D，但係燒耐左都唔會變得好鞋，都係軟林林，好味。