部屋咖啡室

部屋咖啡屋約咗朋友食飯，又想搵啲地方坐耐啲，最後就揀咗呢間board game cafe～食完飯仲可以玩陣board game先走！📍烤雞蘑菇闊條麵烤雞肉質好滑，皮就煎得啱啱好，唔會好燶。闊條麵口感幾好，入面都有唔少蘑菇、洋蔥、青椒做配菜，口感豐富！📍小紅帽（士多啤梨· 士多啤梨醬·奶）一飲落去有好重既士多啤梨味，又唔會太甜，入面仲有粒士多啤梨🍓 以前係其他餐廳飲過一啲好假既士多啤梨味😐，呢杯又唔會！📍水果茶有時係出面餐廳飲開既水果茶一係無乜味，一係就好甜，不過呢間又唔會，水果茶唔係好甜又好大壺，真係好似出面手搖舖既水果茶，可以同朋友一齊share😆😆📍蜜糖雞翼雞翼真係整得啱啱好，炸得唔會好燶，真係香脆嫩滑，而蜜糖個份量又適中，唔會搶哂啲味🤤📍椒鹽雞軟骨有時係出面食既炸嘢都係翻炸，或者唔係太熱🫨 雞軟骨外脆內軟，真係啱啱炸起，新鮮滾熱辣🤭