Little Fresh Cafe & Bar (已結業)

樓上Cafe越開越多要搵一間就腳又好坐嘅Cafe，旺角Little Fresh就啱晒你啦，可以俾你喺繁華鬧市裏邊搵到寧靜嘅一刻，成個人即刻充電醒一醒神！俾我發現到呢度附近返工嘅人都好鍾意食呢間餐廳，除咗因為地點夠就腳，最好嘅地方就係佢嘅午餐非常之實惠，真係冇諗過$100樓下都可以食到牛扒，而且仲包埋前菜同飲品添！排咗大概15分鐘隊終於輪到我哋，揀咗近窗邊嘅位置今日陽光普照影相一流，有時天氣都好影響心情。朋友都揀咗紐西蘭肉眼扒佩18年意大利黑醋汁，諗都冇諗過牛扒大大塊而且有晒厚度擺盤精美仲有沙律菜，口味唔會咁寡！碟上面仲有紅洋蔥同埋薯條/意粉做陪襯，成件事感覺好豐富！再配埋是日餐湯田園沙律同忌廉湯，味道確實一流。個餐仲跟埋嘢飲，留意到隔離枱叫竹炭咖啡我又想試，黑白雙煞！另外原來檸檬茶仲係佢哋鮮榨嘅檸檬汁加茶底，本身以為味道會好人工，點知原來都係非常新鮮，每啖都充滿檸茶香氣🍋😻。