新泰東南亞餐廳 (已結業)

收工去左黎灣仔呢頭，見到呢間泰國嘢，諗起都好耐無食過，咁咪行上黎試下。上到黎可能時間都偏晏啦，人都開始唔多了。周圍空間都好寛敞，有一大張圓枱俾成班朋友過嚟都得。我作為獨L界紅A膠椅守護者就唔好攪咁多野，簡左個卡位就坐埋左一邊。泰國野緊係試下佢d蝦餅魚餅先，再叫左個串燒，最後整多個肉碎炒飯。首先黎左碟蝦餅，配呢個泰式辣醬真係超正。唔可以唔講係呢間餐廳d汁不錯😛，無論係蝦餅既泰式辣醬定串燒既沙嗲醬都令我想買番一支番屋企...跟住個飯係重點，非常邪惡...辣辣地之餘仲要香到不得了，蕃茄同青瓜係有畫龍點睛既效果，下次過嚟叫佢俾多幾塊先得... 值得一讚嘅係呢度d姐姐都好友善，好主動過一陣就黎加水，服務唔錯。食得好飽😂😂下次過嚟食下沙律先🤪