金兜記海鮮菜館

營業中

休息中

成日經過見到門口賣鹽焗雞，琴日終於有機會同屋企人試吓堂食!中午時間，有小菜，又有點心，我哋都睇到花多眼亂。最後嗌左唔少嘢食，包括咕嚕肉，蟹肉粉絲煲，炒飯，燒賣，包等等。啲餸逐樣上！咕嚕肉色水好夠，味道亦都啱啱好。食落有啲似係豬頸肉嘅部位，肥得黎有少少爽口，雖然比較邪惡，但都忍唔住食咗幾件。粉絲煲份量都唔少，粉絲炒得好乾身，香氣十足，撈埋蟹肉一齊食，爭啲忍唔住食晒成煲🤣其他嘢食，整體水準都唔錯，特別係燒賣好好味呀！屋企人都好滿意，值得下次再嚟試吓其他餸菜。