金兜記海鮮菜館

營業中

休息中

⭐️即燒乳豬：皮脆肉嫩嘅極致演繹一上枱就聞到陣陣炭燒香氣，乳豬皮燒至金黃透亮，用筷子輕輕一敲就聽到「咔嚓」聲，脆度滿分！師傅刀工了得，每件乳豬大小均勻，皮肉比例完美。咬落去，豬皮脆如薄紙，皮下脂肪完全融化，只剩下一層薄薄嘅油香，完全唔膩口。 肉質方面，乳豬肉嫩滑多汁，帶微微鹹香，蘸少少餐廳特製嘅海鮮醬同砂糖，甜鹹交織，風味更加立體。最驚喜嘅係，乳豬嘅炭火香氣非常突出，證明係即叫即燒，絕對唔係預先燒定翻熱嘅貨色。 ⭐️生拆蟹肉紅燒翅：奢華鮮味嘅完美呈現呢道紅燒翅絕對係功夫菜，湯底用老雞、火腿同龍骨熬製多時，濃郁得嚟唔會過鹹，膠質豐富，飲落黏唇。魚翅發得恰到好處，絲絲分明，口感爽滑。 主角蟹肉份量十足，全部係人手生拆，鮮甜無比，完全冇雪藏味。餐廳仲附上一小碟芽菜、芫荽同浙醋，可以按個人口味調配，加少少醋更能帶出湯底嘅層次。整體嚟講，呢道翅絕對對得起價錢，鮮味濃郁，誠意十足。 ⭐️彩椒野菌爆海參：鑊氣十足嘅健康之選海參一向難處理，但呢度嘅版本絕對令人驚艷！海參發得夠透，厚身飽滿，入口軟糯帶微微彈牙，完全冇腥味。師傅用彩椒、野菌同蔥段爆炒，鑊氣十足，醬汁濃郁但唔會蓋過海參本身嘅鮮味。 彩椒

非常推介上週有兩位中同由外地回港探親令一班多年未見嘅中同能夠借故聚會蕉媽已經來金兜記很多次這裏的中式小菜有水準也適合一大夥人聚會吃飯前和餐廳預訂了杏汁豬肺湯一班同學坐下來先喝湯潤一潤豬肺湯好足料，不過味道偏濃我們10位同學每人點一道菜蕉媽選了咕嚕汁淮山原來咕嚕汁配淮山，另有一番風味也比吃豬肉，感覺健康欖角醬燒骨也非常好吃值得推介乳鴿就比較鹹，味道可以稍微輕手少少#hkfood #foodie #香港美食 #灣仔美食 #wanchaifood

中秋前夕，跟一位灣仔地膽睇花燈，順便請佢安排附近食飯，一行12人，食中菜似乎係最好嘅選擇，就推介了金兜記。朋友食到熟晒了，除咗叫幾度大熱小菜，也有店員推介的菜式 招牌乳豬 ：皮脆肉嫩，感覺上比酒樓嘅不相伯仲明爐燒鵝：個人比較少食燒鵝，但一上枱已經俾佢由拎拎嘅賣相完全攝住眼球！食後感：皮脆肉嫩，油花填滿口腔嘅感覺太奇妙，忍唔住食咗3大件😝椒鹽魷魚鬚：呢個大贊👍朋友專登叫廚房加大份量，首先個勞漿唔會太厚，魷魚本身軟熟易咬，而且有返咁上下粗身，烹調亦不會太鹹，忍唔住想食完一條又一條，我覺得自己可以食10條（只係唔好意思食太多🤣）香煎蓮藕餅：非常厚身，豬肉新鮮，送飯一流西蘭花炒帶子：又係冇得輸，你睇吓啲帶子幾大粒！ 切咗片都贏啦芝麻雞（1隻）：雞嫩滑，芝麻香，我食咗四件豉油王炒麵：朋友推介話非常好食，但係我可以受得更濃味，所以呢個三粒星啦瀨尿蝦炒飯：呢個係店員推介，粒粒分明，唔會太油，有海鮮嘅味道，個人更喜愛此炒飯多於炒麵 總括嚟講，一大班人港島區食飯，又多一個選擇✌🏻臨走時發現，原來可以揀開一個區做私人包場，當晚就有四圍枱係獨立間開，如果有小型慶祝聚會，又有得諗吓👍

👨🏻‍🍳金兜記海鮮菜館 (灣仔)📍灣仔灣仔道3號尚翹峰地下A2號舖及1樓 「每年大閘蟹放題必選之一😝」 自從上年食過，今年又同大閘蟹腳友encore‼️😝$498加一，茶芥另計，2小時仼食，包花膠燉響螺湯，椒鹽鮮鮑魚，鹽香bb乳鴿，生炒臘味糯米飯，薑茶一客。 好抵食，🍲燉湯真材實料，好濃郁；🍽️椒鹽鮑魚鮮甜彈牙吾會榎，吾會太咸；🍽️乳鴿吾系平時食既脆皮燒，鹽香一樣惹味，多肉；🍽️糯米飯煙韌香口，無生米；🍵薑茶偏辣，逐寒一流😝可惜只有一客，不過可以另加🤤 🦀大閘蟹吾算細，女仔手掌大🤤每次每人只限點2隻，我地2人4隻一次，食到第2隻就order下一round😝數分鐘就上‼️最後一共食了27隻🤣 (1隻壞了)配上薑醋，味道配大閘蟹剛好，逐寒一流，吾夠可以refill🤤‼️15分鐘last order‼️我地見時間差吾多，尾2 round上完問幾時last order，店員有點迴避🙈再order時，店員說剛好過了一分鐘，只能上2隻🙈我地都理解🙈🙈🫶🏻2人食蟹太驚人，我地都吾好意思🤣🙈🙈 閒日晚上都見不少客人來吃中菜，由其他小菜、燉湯都食得出這家小菜不錯👍🏻下年大閘蟹再見😝🫶🏻 #金兜記 #大閘蟹放題 #香港

太計較的小飯館、與人不舒服的感覺! 少見的大閘蟹放題這麼計較!一般服務態度, 收拾桌面速度 正常. 大閘蟹餐包 鮑魚.乳鴿.湯.糯米飯,薑茶,食物質素正常, 唔會有驚喜薑茶一碗 (追加收費) (見識少.第一次見大閘蟹放題薑茶追加要收費)大閘蟹會越出越慢! 到時間會跟你說:"好啦!每人比多一隻.本來時間到要停的啦!”.真係唔該晒.要說一百次多謝嗎? 但冇說的是在兩小時內, 是每次出兩隻.越出越慢喔! 兩個字 - "小家" ! 建議停了任食會比較好！之前都間中會來吃海鮮小菜, 以後就不再去了。灣仔區還有很多選擇!

又到食大閘蟹的季節，今次朋友帶我們去灣仔品嚐大閘蟹宴。任食的清蒸大閘蟹，細細隻但蟹膏的份量十分豐富，每次落單都好快上蟹，每轉每人兩隻，我開始食第二隻時已經叫定下一轉。今次大滿足總共食了11隻。除了大閘蟹仲有其他菜式，花膠燉響螺湯，味道夠濃、椒鹽鮮鮑魚，醬料的鹹味有些過、鹽香BB乳鴿，比較普通、生炒糯米飯，食到一條毛髮所以放棄了。食到最後他們提供一碗薑茶，味道非常濃郁，喝起來十分舒暖。每張枱的距離太近，不太好坐，全程店員都好好服務，好快手清潔我們的蟹殼。

星期三（7月12號）路過灣仔，見到金兜記，記得好耐之前食過，乳豬係出名嘅！既然有緣路過，就買返屋企加餸啦！買1/4，$270，其實都有啲貴，不過記得佢係好食嘅，一次半次無所謂。返到屋企打開盒一睇………..唔係啩！點睇都唔係1/4隻乳豬呀！而且個樣橫睇直睇，都唔係新鮮乳豬，係翻焗俾我！食落去百分百確定係隔夜翻焗，啲肉柴皮過我塊面！我家住將軍澳，真係無仇報！收得我$270，俾啲咁嘅貨色！隨便一間燒臘舖都靚過佢！😡😡😡

屋企兩老表示好想食中式乳豬，平時去飲先有機會食1 - 2 舊，根本就唔夠喉😕 所以我就上網搵有提供乳豬嘅中菜館，俾我搵到呢間金兜，就決定帶佢地嚟試試佢😋🐷餐館位於一樓，要搭一層𨋢上去，入面裝修保留懷舊嘅中菜館特色同埋好乾淨。(例)金兜記即燒乳豬 $268乳豬皮燒到脆卜卜，而且啲肉都好多，平時食第二度嘅乳豬得浸皮好少肉，但呢度就一啲都唔手軟，配埋必點嘅醬汁同夾住塊包食，好食到想叫多碟🥹下次嚟食會嗌半隻，唔係唔夠食呀🥲翡翠野菌炒龍躉球(孖寶) 跟住之後我地叫咗個孖寶，有唔同菜俾我地揀，因為我哋想食魚，所以第一款揀左龍躉球，龍躉片肉質彈牙，西芹口感爽脆，好食👍🏻😋沙溪燒米鴨(半隻)(孖寶) 孖寶total $398 ，有半隻鴨同龍躉球，真係好抵食🥹米鴨份量好多，而且好入味，點埋下面啲醬，好好餸飯🤤附送涼粉 $免費好鍾意去一啲會送糖水嘅酒樓🤭夠晒特色同埋懷舊，今次佢送涼粉，大熱天時食，fit 哂！😍總括而言，兩老都十分滿意，下次一定會再嚟幫襯🫶🏻

一行十人要搵地方食團年飯，最好都係食中菜，一大張圓枱方便傾計。點了十位的"多補套餐"，套餐海鮮肉類乜都有，唔使自己諗。第一道是黃酒煮雞🐔，黃酒煲滾外加上新鮮雞塊，即煮即食，非常適合冬天嘅菜式，飲一啖黃酒，有種暖入心嘅感覺。第二道是羊腩煲，膻味適中，羊腩好多件仲炆得好入味，仲有馬蹄、腐竹、荀、冬菇等配菜，非常惹味。第三道是扒花膠鮑魚，花膠略嫌淡味，不過鮑魚有少許黏刀，口感煙靭。第四道是蒜蓉粉絲蒸大元貝，蒜蓉好香，粉絲吸哂味好好味，扇貝都好大隻。第四道是煎大虎蝦，虎蝦新鮮彈牙，惹味可口仲有膏！第五道是生炒臘味糯米飯，糯米飯唔硬，味道都唔錯。最後甜品是蒸棗皇糕，剛剛蒸起嘅棗皇糕好煙靭，中間仲有一層椰汁，真係好好食，幾位朋友都即場買左幾底棗皇糕！$398/位嘅套餐，食物份量好夠，好抵食！

12月頭趕及水尾同老婆食個大閘蟹宴。星期六竟然冇分時段，六點上到去，環境尚可係d枱距離較近，隔離講乜都聽到。坐底即上蟹宴，先來花膠響螺湯，非常甜美。BB乳鴿，糯米飯，鮑魚都正常好味。來到主角大閘蟹，一round每人兩隻，都算多膏大隻，大約20分鐘清就清晒。侍應主動問我地加單，呢樣抵贊。上蟹速度快，不過係冇乜兜比人裝垃圾同冇紙巾供應。之後食多4-5 round但中途發覺有幾隻蟹有陣怪味同埋d肉爛爛霉霉，唔係咁新鮮。Total 每人食左10隻到，好滿足。最後上埋彊茶，落足料，如果份量大碗d就更正。

又到左食🦀🦀🦀大閘蟹🦀🦀🦀嘅季節，我呢個蟹精當然唔好錯過啦。今次就嚟咗呢間位於灣仔嘅金兜記海鮮菜館試吓，每位498蚊，除咗任食大閘蟹之外，仲有每人一客既花膠燉響螺湯、蠔皇原隻鮑魚半翡翠、鹽香BB乳鴿🐤、生炒臘味糯米飯，仲有一杯逐寒薑茶，可以暖暖胃😋😋😋同朋友仔每人KO左廿2隻🦀🦀🦀，成功挑戰左上年嘅數量，食大閘蟹最好係食放題，試個食有啲酒家嘅套餐係得3隻蟹兩皇一后再加蟹粉小籠包，好似有啲意猶未盡🤭🤭🤭

一年一度大閘蟹時間又到啦，我急不及待要搵間餐廳食下，朋友之前食過金兜記都唔錯，我都今次要盡情食，大閘蟹餐及所有食品都滿意，燉湯裏面有花膠，都大片的，上蟹非常快，雖然唔係好大隻，但隻隻蟹膏是橙黃色的，只有一兩隻差少少，鮑魚，乳鴿同糯米飯都好正，食足兩個鐘，我們五人total食咗38隻，食完好快order就有，一啲都唔會拖時間👍🏻最後的薑茶一定要大讚，因為超多薑，夠晒驅寒！我一定會再嚟，因為食得好盡興。

諗住一早訂位食六月黃大閘蟹宴會食得滿足，結果強差人意。一嚟三盅雲吞菜膽雞，普通。之後蟹肉小籠包每人兩隻，皮厚。到六月黃大閘蟹，每人三隻，好細隻。不過佢寫明得三至三兩半一隻既。再嚟避風塘炒澳洲大花蝦，但唔知點解要劏開隻蝦，搞到無晒啲蝦膏。蟹肉扒西蘭花同埋碟黑松露蟹肉稻庭烏冬又係賣相差同唔好味。最慘係餐牌寫每位半隻花鵰醉乳鴿，上枱變咗燒乳鴿，唔問侍應都無諗住解釋返係廚房話無。但其實我係早一個星期已經訂位話食呢個餐。真係唔明點解會無😕最後上薑湯湯丸。真係無下次。

想平日黎食個晏，食到一肚氣！ 快快手諗住食個商務套餐，由落單到第一碟嘢食黎都用左25分鐘，lunch time無左一半，🖕🏻催嘢食催到我都討厭我自己，啲嘢食幾好食所無用啦，印象咁差。伙記無做錯，錯嘅係廚房，廚房唔出就等啲伙記出黎受罪，差劣，見到樓面壓力大。嘢食係好食，味道唔錯。可惜我地只係食商務套餐，無隔離枱啲大魚大肉或者龍蝦刺身，被比下去。廚房無理過我地打工仔嘅死活（只有一個鐘lunch hour），下次？仲有下次？ 算啦，唔好為一肚氣而食，我寧願幫襯美心都唔會再黎呢度。

食過三間大閘蟹放題每年都會約朋友一齊出去食大閘蟹呢一間係食過最好食嘅大閘蟹任食放題有花膠湯 乳鴿 黃金蝦有兩種大閘蟹清蒸大閘蟹 蔥油大閘蟹我哋鍾意食原味清蒸大閘蟹雖然大閘蟹細細隻但啲蟹膏OK而家全部都係蟹公白糕 好正上得都好快最後有姜茶