影片
更多
2023-03-03
29 瀏覽
今日同朋友嚟附近行下,遠遠望到門口嘅餐牌圖片好吸引，加上要上樓，望住對門又覺得幾有神秘感，好奇之下上樓睇下餐廳內部。入到嚟係一間幾有特色嘅小店，竟然有d中式百子櫃但係賣西式食品，老闆話之後會放好多唔同茶葉係到，因為佢之前係茶藝師，有機會叫我地可以再嚟嘆茶！老闆講餐廳嘅香草包都係自家製造，話之前拎貨嘅麵包質素未如理想，所以親自每日新鮮即焗，今日嚟到嘅時候香草包岩岩焗起冇耐，確實非常吸引，麵包外型好少見，而且見到上面嘅香草就已經覺得好吸引，飽滿厚身嘅麵包真係令人流曬口水我同朋友各自揀咗一款麵包同埋佢推介嘅蕃茄濃湯。等緊佢製作期間我哋就揀咗兩支有汽飲品，血橙口味出面比較少有，飲落酸酸甜甜，另一款檸檬梳打夠清爽，refreshing!後尾朋友好欣賞呢款飲品，話連個樽身都咁有美感，仲買埋蜜桃茶返屋企試下。（問老闆批准又拎set新嘅影相）巴馬火腿水牛芝士panini佢呢到火腿係即時原隻用機刨出嚟，高質素，可能咁樣味道保存得好d，食落咸香味濃，又唔會太乾身，水牛芝士暖暖半溶，再夾埋火箭菜蕃茄仔，超級fresh，味道一流，而且老闆落足料唔慳本，真係要讚下！烤豬波羅伏洛芝士panini呢個烤豬口味又係好
老闆講餐廳嘅香草包都係自家製造，話之前拎貨嘅麵包質素未如理想，所以親自每日新鮮即焗，今日嚟到嘅時候香草包岩岩焗起冇耐，確實非常吸引，麵包外型好少見，而且見到上面嘅香草就已經覺得好吸引，飽滿厚身嘅麵包真係令人流曬口水我同朋友各自揀咗一款麵包同埋佢推介嘅蕃茄濃湯。
等緊佢製作期間我哋就揀咗兩支有汽飲品，血橙口味出面比較少有，飲落酸酸甜甜，另一款檸檬梳打夠清爽，refreshing!後尾朋友好欣賞呢款飲品，話連個樽身都咁有美感，仲買埋蜜桃茶返屋企試下。（問老闆批准又拎set新嘅影相）
巴馬火腿水牛芝士panini
佢呢到火腿係即時原隻用機刨出嚟，高質素，可能咁樣味道保存得好d，食落咸香味濃，又唔會太乾身，水牛芝士暖暖半溶，再夾埋火箭菜蕃茄仔，超級fresh，味道一流，而且老闆落足料唔慳本，真係要讚下！
烤豬波羅伏洛芝士panini
呢個烤豬口味又係好香口，夾老闆自製麵包確實一流。粉嫩烤豬刨得夠薄，但份量十足，加上意大利Provolone cheese, 淡淡口味配豬肉平衡返，仲有番茄仔同乾蔥，好食到停唔到！
至於個蕃茄湯又係不得了，佢嘅稠度直情係可以話係類近番茄膏咁（當然稀少少），茄味香濃，老闆每日新鮮蕃茄製作，作為蕃茄迷嘅我非常喜歡，入口滑溜，酸酸甜甜夠開胃。
係openrice見到Scone都係多人推介，買返屋企試下，老闆話係用新鮮忌廉整，都建議快d食用或者要放入雪櫃。就算我地第2日朝早食 輕輕焗熱後食口感都仲係好濕潤，唔會乾，配埋忌廉同果醬，加杯咖啡，又係令人滿意嘅一餐。
張貼
