影片
更多
2023-07-15
59 瀏覽
之前睇HOYTV「全港開餐100強」介紹由「海膽達人」樂師傅主理嘅「樂鐵板燒」，餐廳除咗有招牌菜十八層海膽杯之外，火焰海膽甲羅燒、原隻鴛鴦海膽活龍蝦同海膽雪糕都非常吸引，作為海膽控又點可以錯過。😆「樂鐵板燒」位於佐敦偉晴街，係一間鐵板燒小店，店內只有約10個座位，當中大部分都係正對於師傅嘅吧檯座位。🧑🏻🍳餐廳晚市有兩款廚師發辦set選擇，兩個set最大分別係一個主打海膽甲羅燒同海膽活龍蝦，另一個就主打十八層海膽杯同A5和牛，兩個set都係由樂師傅親自炮製。我同老婆各揀咗一個set share食，可以試哂四款主打菜式。😍季節前菜磯煮鮑魚，櫻花蝦玉子燒，日本沙葛，明太子薯仔沙律日本青森縣王林蘋果蟹籽沙律十八層海膽杯招牌海膽杯真係有齊十八層，分別有海膽、海葡萄、牡丹蝦、吞拿魚蓉、魚子、三文魚籽、海膽魷魚、蟹肉等等。食嘅時候先用白舨魚乾上放海膽食，之後拌勻其他材料食，啖啖刺身，海膽仲採用咗北海道嘅馬糞海膽，鮮味十足，賣相亦非常精緻，又睇得又好食。😋澳洲活龍蝦兩食海膽醬芝士焗龍蝦芝士味同海膽醬味平均，活龍蝦蝦肉爽彈鮮甜，竹炭烏冬加上由龍蝦頭膏加入海膽膏調配嘅龍蝦膏海膽醬，味道香濃可口。👍🏻火焰
「樂鐵板燒」位於佐敦偉晴街，係一間鐵板燒小店，店內只有約10個座位，當中大部分都係正對於師傅嘅吧檯座位。🧑🏻🍳
餐廳晚市有兩款廚師發辦set選擇，兩個set最大分別係一個主打海膽甲羅燒同海膽活龍蝦，另一個就主打十八層海膽杯同A5和牛，兩個set都係由樂師傅親自炮製。我同老婆各揀咗一個set share食，可以試哂四款主打菜式。😍
季節前菜
磯煮鮑魚，櫻花蝦玉子燒，日本沙葛，明太子薯仔沙律
日本青森縣王林蘋果蟹籽沙律
十八層海膽杯
招牌海膽杯真係有齊十八層，分別有海膽、海葡萄、牡丹蝦、吞拿魚蓉、魚子、三文魚籽、海膽魷魚、蟹肉等等。食嘅時候先用白舨魚乾上放海膽食，之後拌勻其他材料食，啖啖刺身，海膽仲採用咗北海道嘅馬糞海膽，鮮味十足，賣相亦非常精緻，又睇得又好食。😋
澳洲活龍蝦兩食
海膽醬芝士焗龍蝦芝士味同海膽醬味平均，活龍蝦蝦肉爽彈鮮甜，竹炭烏冬加上由龍蝦頭膏加入海膽膏調配嘅龍蝦膏海膽醬，味道香濃可口。👍🏻
火焰海膽甲羅燒
師傅用咗魔術紙喺火光將海膽甲羅燒耀閃登場，日本松葉蟹肉肉質鮮嫩甜美，配埋勁多勁濃郁嘅蟹膏、新鮮海膽、三文魚籽同黑魚籽，口感層次超豐富，每一啖都新鮮美味👍
活鮑魚配西檸肝醬
師傅先將活鮑魚內臟加入西檸汁製成醬汁，再用鐵板燒將活鮑魚切片燒成僅熟，超厚身嘅鮑魚口感軟腍爽滑，配上特製醬汁，鮮味更突出。😋
東星斑焦糖西京
東星班魚肉超軟嫩鮮甜，配上焦糖西京汁，非常富有日式風味，另外師傅將魚皮亦燒至香脆，同魚肉一齊食，口感非常豐富。😁
香煎鵝肝配山芋餅
鵝肝應該係好多人嘅最愛，呢個慢煮鵝肝入面嘅鵝肝濃郁鮮美，加上星饅嘅鬆脆口感，再配上一啲淡淡嘅海膽味，真係好開胃！👍🏻
荔枝豚肉卷
呢個菜式有啲驚喜，荔枝同豚肉嘅結合好特別，荔枝嘅清甜同豚肉嘅鮮味融合一齊，豚肉咁juicy，真係好好味！😋
A5和牛叉燒配紅酒蘋果
A5和牛叉燒可以話係最抵食嘅一款，入面嘅和牛肉質極細嫩，叉燒汁又夠香濃，再配上紅酒蘋果，一啖之間有淡淡嘅果香，味道非常豐富。😋
特製紙包花膠蜆湯
花膠蜆湯底清甜鮮美。😊
蜂蜜烤多士
多士烤得香脆，咬落去有淡淡嘅焦糖味，甜而不膩。👍🏻
自家製海膽雪糕
最後呢款海膽雪糕絕對係一個驚喜，雪糕入面混有海膽淡淡海鮮味，加上爆炸糖口感豐富，最後一啖連紫蘇葉食，將口腔複雜嘅味道立時變返清新。😊
全晚對住鐵板燒爐邊欣賞樂師傅廚藝邊聽師傅分享飲食心得。兩款套餐都用上超多高級食材，除了招牌海膽菜外，其他食物質素都相當唔錯，加上師傅手藝純熟，服務又好周到，整體體驗非常好，絕對值得一試，如果係海膽控，更加不能錯過。👍🏻
張貼
