平昌 (已結業)

住樂富嘅朋友由知道樂富開咗間平昌之後，就成日叫我地一齊去食。個日約齊人終於去試一試樂富分店！個晚食嘅係價錢最經濟實惠嘅《大君御膳》☺️.價錢好優惠，選擇都好多！各式肉類同熟食都有。..食肉獸一開始緊係乜都嗌咗先！食完第一輪推薦：-牛：調味烤牛肉、牛舌、LA牛排、牛肋骨肉尤其個烤牛肉調味好正，好韓式！LA牛排個啲都啖啖肉又唔會太韌雞：辣調味雞腿肉雖然話辣調味但唔會好辣，肉質燒完都好嫩😋蔬菜：茄子、杏鮑菇（韓燒必備🔥🔥🔥）熟食：水冷麵真係熟食最愛！涼涼地又酸酸地，超解膩。食完又可以繼續狂食🤪🤪🤪另外覺得要推嘅係泡菜！韓式舖頭每間啲泡菜味都唔同，平昌個鐘偏甜辣好得我心，配生菜燒肉食一流！.飲品選擇好多，放題必備嘅都係齊度！...同旺角平昌比較，樂富分店會光猛啲。可能因為無坐得咁密集，個抽氣好似再犀利啲，唔會煙霧瀰漫b🥰下次約朋友可以再黎過！